‘सेल्फी विथ डटर डे’मा प्रतिष्ठा लामाको सेल्फी प्रथम
काठमाडौं ।
विगत एक महिनादेखि नेपालमा सञ्चालनमा रहेको ’सेल्फी विथ डटर’ अभियान बुधबार एक विशेष भर्चुअल कार्यक्रम आयोजना गर्दै सम्पन्न भएको छ । ’सेल्फी विथ डटर’ दिवसको रुपमा नेपाल र भारतमा संयुक्त रुपमा यो कार्यक्रम आयोजना गरिएको थियो । विगत केही वर्षदेखि नेपालको सामाजिक, प्राविधिक र अनुसन्धानको क्षेत्रमा काम गर्दै आइरहेको संस्था नेपाल इन्टरनेट फाउण्डेसनले भारतीय अभियन्ता सुनिल जागलनसँगको सहकार्यमा महिला सशक्तीकरण तथा लैंगिक समानताको मूल मर्मसहित ’सेल्फी विथ डटर’को कार्यक्रम नेपालमा पनि सञ्चालन गरेको हो ।
नेपालमा सञ्चालित एक महिनाको अभियानमा हजारौँ संख्यामा छोरीसँग सेल्फी पठाएका थिए । यस अभियानमा प्रतिभा घिसिङ र उनकी छोरी प्रतिष्ठा लामाको सेल्फीले प्रथम पुरस्कार प्राप्त गरेको छ । यसैगरी दक्ष्य बहादुर राइ र मोति सारासँग नातिनी निशुदिका राईको सेल्फीले दोस्रो स्थान प्राप्त गरेको छ भने यमुना प्रसाई र श्रेया पौडेलको सेल्फीले तेस्रो स्थान प्राप्त गरेको छ ।
विजेतालाई ट्रफी र प्रमाणपत्रका साथ क्रमशः २१ हजार, ११ हजार र पाँँच हजार एक सयको पुरस्कार प्रदान गरिएको छ । कार्यक्रममा भारतका युनियन मिनिस्टर अफ स्टेट रावो इन्द्रजित सिंहले भारतमा सामाजिक चेतना बढाउन ’सेल्फी विथ डटर’ अभियानले सकारात्मक प्रभाव पारेको बताए । उनले नेपाल र भारत देशमा अझै पनि छोरीलाई हेला गर्ने र छोराभन्दा फरक व्यवहार गर्ने गरेको हुँदा यसलाई निर्मूल गर्न प्रविधिमार्फत सामाजिक चेतना विकास गर्न यस्ता अभियानहरु चलाउनुपर्ने बताए ।
यसैगरी कार्यक्रममा पूर्वमहिला बालबालिका तथा ज्येष्ठ नागरिकमन्त्री जुली कुमारी महतोले नेपालजस्तो कम विकसित मुलुकमा अझै पनि छोराछोरीमा भेदभाव रहेको, दाइजोलगायतका सामाजिक कुरीति व्याप्त रहेको बताइन् । छिमेकी देश भारतबाट सुरु भएको छोरीहरुप्रति सम्मानको सामाजिक क्रान्ति नेपालमा पनि द्रुतगतिमा अघि बढिरहेको भन्दै उनले ’सेल्फी विथ डटर’जस्तो अभियानले सामाजिक चेतना विकास गर्न सघाउ पुग्ने बताइन् ।
कार्यक्रममा भारत सरकार इलेक्ट्रोनिक्स तथा आईटी मन्त्रालयअन्तर्गत राष्ट्रिय इ–गभर्नेन्स महाशाखा प्रमुख अभिशेख सिंहले सेल्फी विथ डटर अभियानले बिहीबार एक विश्वव्यापी आन्दोलनको रूप लिँदै गएको बताए ।
भारतका सुनिल जागलनको नेतृत्वमा सुरु भएको यो अभियान भारत र नेपालमा लोकप्रिय भएको छ । नेपालमा पनि यस किसिमको आभियानले छोरीलाई लैंगिक समानताको हिसाबले हेर्न र सोही किसिमले व्यवहार गर्न प्रोत्साहित गरेको नेपाल इन्टरनेट फाउन्डेसनका अध्यक्ष विक्रम श्रेष्ठले बताए । सेल्फी विथ डटर अभियान र फाउन्डेसनका संस्थापक सुनील जगलानको अनुसार यो अभियान हरियाणाबाट सुरु गरिएको हो ।
क्याटेगोरी : बिबिध
ताजा अपडेट
- बाह्र वर्षमै एसइई परीक्षा दिँदै पर्वतका एक छात्र
- कांग्रेस पुन: सरकारमा जान्छ : महामन्त्री थापा
- मिटर ब्याजका पाँच मुद्दामा मिलापत्र
- पेस्तोलसहित कपनबाट एकजना पक्राउ
- सहकारीमा गरेको बचत सुनिश्चित गर्न माग
- बाँकेमा बालविवाह न्यूनीकरण चुनौतीपूर्ण
- निर्माण व्यवसायीले सम्झौताबमोजिम काम नगर्दा योजनाका काम समयमै सम्पन्न भएन : प्रधानमन्त्री
- जलस्रोतमा सबैभन्दा बढी जलवायु परिवर्तनको असर परेको छ : मन्त्री बस्नेत
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया