कोभिड अस्पतालका चिकित्सक र कर्मचारीमाथि हातपात
दोलखा ।
दोलखाको तामाकोशी गाउँपालिका वडा नम्बर ४ मालुमा सञ्चालित मालु कोभिड अस्पतालका चिकित्सक तथा कर्मचारीमाथि स्थानीय युवाले मदिरा सेवन गरेर हातपात गरेका छन् । राति १२ बजे स्थानीय गोपाल तिमिस्सिना, रोशन पोखरेल, विजुले नेपाली र कुमार श्रेष्ठले अस्पताल प्रवेश गरी डा. रोविश कार्की र कार्यालय सहयोगी टोपहादुर मिजारलाई हातपात गरेका हुन् ।
अस्पतालका अनुसार कोभिड अस्पतालमा उनीहरू खुट्टाको उपचार गर्न आएको र उनीहरूलाई अस्पतालबाहिरै परीक्षण गर्न भन्दा हातपात गरेका हुन् । ‘अस्पतालभित्र कोभिडका बिरामी भएकाले मैले बाहिरै जाँच गर्छु भनेँ,’ चिकित्सक कार्कीले भने, ‘उनीहरूले हामीले बनाएको अस्पतालमा भित्र छिर्न नपाइने भन्दै हातपात गरे ।’ चार युवाले आफूहरूमाथि हातपात गर्न थालेपछि चिकित्सक तथा कर्मचारी भागेर बसेको जनाइएको छ । साथै उनीहरूले अस्पतालमा आगो लगाइदिने र ज्यान मार्ने धम्की समेत दिएका थिए । अस्पतालले आक्रमणमा संलग्नलाई कारबाही गर्न माग राखी विज्ञप्ति समेत जारी गरेको छ ।
प्रहरीले हातपात गर्ने चार जनामध्ये तीन जनालाई नियन्त्रणमा लिएको छ । प्रहरीले तिमिस्सिना, पोखरेल र नेपालीलाई नियन्त्रणमा लिएको हो । श्रेष्ठ भने फरार छन् । घटनाका विषयमा अनुसन्धान भइरहेको र कानुननुसार कारबाही गरिने दोलखाका प्रहरी प्रमुख भेषराज रिजालले जानकारी दिए ।
चिकित्सक र कर्मचारीमाथि आक्रमण गर्ने समूहलाई आवश्यक कारबाही गर्न गाउँपालिका अध्यक्ष ईश्वरचन्द्र पोखरेलले माग गरेका छन् । गाउँपालिकामा कोभिडका बिरामीको उपचारका लागि पाँच शय्याको अस्पताल सञ्चालनमा ल्याइएको छ । उक्त अस्पतालमा हाल कोरोनाका दुई जना बिरामी छन् । अस्पतालमा एक चिकित्सकसहित सात जना स्वास्थ्यकर्मी कार्यरत छन् ।
क्याटेगोरी : बिबिध
ताजा अपडेट
- बागमती प्रदेशसभाको बैठक आज राति १२ बजेदेखि अन्त्य
- उपनिर्वाचनको मौन अवधि आज रातिदेखि
- त्रिविका कानुनी सल्लाहकार खनाललाई कारबाही नगर्न आदेश
- अन्तर्राष्ट्रिय वित्तीय संस्थाका प्रतिनिधिद्वारा अर्थमन्त्रीसँग भेट
- १७ वर्षपछि कर्तव्य ज्यान मुद्दाका फरार प्रतिवादी पक्राउ
- बोलेरोको ठक्करबाट तीन युवकको मृत्यु
- एक सय वर्षदेखिको इतिहास धार्मिक पर्यटनसँग जोडिँदै
- रङ्गशाला निर्माण सम्झौता भङ्ग गर्ने राखेपको निर्णयप्रति जनकपुरधाम उपमहानगरको विरोध
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया