दोदा नदीको कटानले उखु र धान बालीमा क्षति
कञ्चनपुर । कञ्चनपुर–शुक्लाफाँटा नगरपालिका–१२ तिलकी पट्टीमा दोदा नदीले जग्गा कटान गर्दा उखु र धानबालीमा क्षति पुगेको छ । कटानलाई रोक्न तत्काल तटबन्धन नगरे बस्ती नै जोखिममा पर्ने स्थानीय मंगलप्रसाद चौधरीले बताए । ‘दुई दिनमा नदीले कटान गरी एक बिघाभन्दा बढी जग्गामा लगाएको धान र उखु बगाएर लगेको छ,’ उनले भने, ‘कटान रोक्न पहल नगरिए बस्ती नै जोखिमा पर्ने देखिएको छ ।’
उनका अनुसार नदीले चुन्नु चौधरीको पाँच, रामदास रानाको पाँच, फिर्ता रानाको पाँच, पदम रानाको तीन र जन्न्नु रानाको तीन गरी २१ कठ्ठा जग्गा बगाएर बगरमा परिणत गरेको छ । दोदा र वनहरा नदीको दोभान रहेको क्षेत्रमा नदीले बढी क्षति पु¥याएको छ । यस क्षेत्रमा नेपाल रेडक्रसको सहयोगमा इटाहा सामुदायिक विपत् व्यवस्थापन समितिले साझेदारी गरी जैविक तटबन्ध निर्माण गरिएको थियो । नदीको धार परिवर्तन गरी तटबन्ध निर्माण गरेको क्षेत्रमै बग्न थालेपछि जग्गा कटानी अधिक हुन थालेको स्थानीय रामदास रानाले बताए ।
‘विपत् व्यवस्थापन समितिमा आबद्ध समुदायका व्यक्तिहरूले संरक्षण गरेको बगर बगेको छ,’ उनले भने, ‘संरक्षण गरेको बगरमा नदी बग्न थालेको छ । नदीले कटान गरी उखु र धान खेती गरेको उब्जाउ जग्गा समेत बगाउन थालेको छ ।’ नदीले उब्जाउ जग्गा कटानी गर्न थालेपछि चिन्तित भएको उनले बताए । नदीमा भरपर्दो तटबन्धको तत्काल व्यवस्था नभए बस्ती नै बग्ने खतरा बढेको छ । बस्तीका ३५ परिवार नदीको उच्च जोखिममा रहेको उनले बताए ।
क्याटेगोरी : बिबिध
ताजा अपडेट
- बागमती प्रदेशसभाको बैठक आज राति १२ बजेदेखि अन्त्य
- उपनिर्वाचनको मौन अवधि आज रातिदेखि
- त्रिविका कानुनी सल्लाहकार खनाललाई कारबाही नगर्न आदेश
- अन्तर्राष्ट्रिय वित्तीय संस्थाका प्रतिनिधिद्वारा अर्थमन्त्रीसँग भेट
- १७ वर्षपछि कर्तव्य ज्यान मुद्दाका फरार प्रतिवादी पक्राउ
- बोलेरोको ठक्करबाट तीन युवकको मृत्यु
- एक सय वर्षदेखिको इतिहास धार्मिक पर्यटनसँग जोडिँदै
- रङ्गशाला निर्माण सम्झौता भङ्ग गर्ने राखेपको निर्णयप्रति जनकपुरधाम उपमहानगरको विरोध
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया