दमकमा चिनियाँ स्वास्थ्य सहयोग, रोजगारीमा कोभिडपीडितलाई प्राथमिकता
झापा । चीन नेपाल मैत्री औद्योगिक पार्कले दमक नगरपालिकालाई स्वास्थ्य सामग्री सहयोग गरेको छ । औद्योगिक पार्कका अध्यक्ष गोविन्द थापाले मंगलबार एक कार्यक्रमका बीच नगरपालिकालाई उक्त सामग्री हस्तान्तरण गरेका हुन् । सो सामग्री रसुवा नाका हुँदै नेपाल ल्याइएको थियो ।
औद्योगिक पार्कले १५ थान अक्सिजन कन्सन्ट्रेटर मेसिन उपलब्ध गराएको हो । यी मेसिनले पाँच लिटर क्षमतामा उच्च गुणस्तरको अक्सिजन निरन्तर प्रवाह गर्ने बताइएको छ । उक्त मेसिन दमक अस्पतालमा प्रयोग गरिने छ । सहयोग सामग्री ग्रहण गर्दै दमक नगरपालिकाका मेयर रोमनाथ ओलीले अहिले दमक समस्यामा रहेको बताए । महामारी बढ्नाले दमकमा पुन निषेधाज्ञा जारी गर्नुपरेको र अस्पतालहरू फेरि पनि भरिभराउ हुन लागेको बताए ।
उपमेयर गीता अधिकारीले औद्योगिक पार्क दमक तथा पूरै झापा जिल्लाका जनताको सपनाको केन्द्र भएको बताउँदै यसले विपत्का बेला गरेको स्वास्थ्य सामग्री सहयोग मूल्यवान रहेको बताइन् । नेपालमा क्रमशः महामारीले विकराल रूप धारण गरिरहेको बेला औद्योगिक पार्कले स्वास्थ्य सामग्री सहयोग गरेको हो । खासगरी एक नम्बर प्रदेशको झापा जिल्लामा महामारी तीव्र गतिमा फैलिरहेको छ ।
पार्कका अध्यक्ष गोविन्द थापाले कोभिड महामारीका कारण विश्वले ठूलो क्षति भोगिरहेको बताए । उनले भने, ‘यतिबेला औद्योगिक पार्कमा चीन सरकारले बनाउने ठूला–ठूला उद्योगहरू हामीले उपहारका रूपमा पाउने थियौँ, तर महामारीका कारण स्वास्थ्य सामग्री सहयोग लिनुपर्ने भयो ।’ महामारीका बीचमै पनि औद्योगिक पार्कको सबै प्रक्रिया अगाडि बढाइने थापाले बताए ।
कार्यक्रममा चीनको ल्हासा इकोनोमिक एन्ड टेक्निकल जोनका प्रमुख चोउ चेङ्गजीले पठाएको सन्देश सुनाइएको थियो । सन्देशमा चोउले महामारीको चपेटामा परेको दमक तथा आसपासका जनतालाई मनोबल उच्च राख्न आग्रह गरेका थिए । कोभिड १९ माथि चाँडै विजय पाइने विश्वास गर्दै चोउले महामारीकै बीचमा औद्योगिक पार्क निर्माण प्रक्रिया अगाडि बढाइने सन्देश पठाएका थिए ।
क्याटेगोरी : बिबिध
ताजा अपडेट
- नोबेल पुरस्कार विजेता अर्थशास्त्री डानियलको निधन
- विद्युत् महसुल वृद्धि र आपूर्तिबारे चिन्तन
- बीमाको पहुँच विस्तार र सरकारको दायित्व
- अपराध कर्मले संरक्षण पाउनुहुन्न
- बस्नेत कोशी प्रदेश समन्वय परिषद् सदस्यमा नियुक्त
- ललितपुर इन्टरनेसनल ट्रेड एक्स्पोको तयारी पूरा
- नेपाल दूरसञ्चार प्राधिकरणका पूर्वअध्यक्षद्वय दिगम्बर झा र पुरुषोत्तम खनालसहित १९ जनाविरुद्ध भ्रष्टाचार मुद्दा
- बीमा कम्पनीहरूले संकलन गरे एक खर्ब २४ अर्ब बीमाशुल्क
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया