सामलिङ पावर कम्पनीको साधारण सेयर बाँडफाँट
काठमाडौँ । सामलिङ पावर कम्पनी लिमिटेडको साधारण सेयरको बाँडफाँट सम्पन्न भएको छ । नेपाल एसबीआई मर्चेन्ट बैंकिङ लिमिटेडको धितोपत्र निष्काशन तथा बिक्री प्रबन्धकत्वमा सामलिङ पावर कम्पनी लिमिटेडको प्रतिसेयर अंकित मूल्य एक सय दरका सर्वसाधारणलाई छुट्याइएको सात लाख ३० हजार कित्ता सेयरमध्ये १४ हजार छ सय कित्ता कम्पनीका कर्मचारीहरूलाई र ३६ हजार पाँच सय कित्ता सामूहिक लगानी कोषहरूलाई बाँडफाँट गरी बाँकी रहेको छ लाख ७८ हजार नौ सय कित्ता साधारण सेयरहरूको आज मंगलबार बाँडफाँड गरिएको हो ।
कम्पनीले २०७८ कार्तिक ४ गतेदेखि २०७८ कात्तिक ८ गतेसम्म सर्वसाधारणका लागि निष्काशन खुला गरिएको साधारण सेयरहरू मंगलबार बाँडफाँट गरेको हो । सर्वसाधारणका लागि छुट्याइएको सेयरका लागि २१ लाख ८८ हजार सात सय ७८ योग्य आवेदकमध्येबाट गोलाप्रथाको माध्ययमबाट ६७ हजार आठ सय ९० जना सफल आवेदनकर्ता छनोट गरी प्रत्येक सफल आवेदनकर्तालाई १० कित्ताका दरले सेयर बाँडफाँट गरिएको कम्पनीले जनाएको छ ।
कम्पनीले प्रतिसेयर एक सय अंकित मूल्यका कुल १२ लाख ३० हजार कित्ता साधारण सेयरमध्ये आयोजनाप्रभावित क्षेत्रका बासिन्दाहरूको लागि छुट्याइएको पाँच लाख कित्ता, कम्पनीका कर्मचारीहरूलाई छुट्याइएको १४ हजार छ सय कित्ता र सामूहिक लगानी कोषहरूलाई छुट्याइएको ३६ हजार पाँच सय कित्ता यसअघि नै बाँडफाँट गरिसकेको कम्पनीले जनाएको छ । कम्पनीले इलाम जिल्लास्थित माइबेनी जलविद्युत् आयोजनाबाट नौ सय ५१ मेगावाट जलविद्युत् आयोजनाको सम्पूर्ण निर्माणकार्य सम्पन्न गरी मिति २०७८ आश्विन १ गते (तदनुसार सेक्टेम्बर १७, २०२१) देखि व्यापारिक उत्पादन सुरु गरी सकेको छ ।
नेपाल एसबीआई मर्चेन्ट बैंकिङ लिमिटेड नेपाल एसबीआई बैंक लिमिटेडको पूर्ण स्वामित्व भएको सहायक कम्पनी हो । यस मर्चेन्टले धितोपत्र निष्काशन तथा बिक्री प्रबन्धक, लगानी व्यवस्थापक, सेयर रजिष्टार, संस्थागत परामर्श, अन्डरराइटिङजस्ता सेवा प्रदान गरिरहेको छ ।
क्याटेगोरी : बिबिध
ताजा अपडेट
- पुल अलपत्र बनाउने निर्माण कम्पनी कालोसूचीमा
- इलाम–२ उपनिर्वाचन :रास्वपाबाट लिम्बू उम्मेदवार
- शिक्षाका लागि विद्यालयको पूर्वाधार निर्माण आवश्यक छ : मन्त्री राई
- स्वास्थ्यमन्त्री यादवलाई रास्वपाको २६ बुँदे सुझाव
- हिमालमा हेलिकोप्टरको सहारा
- चार दशमलव ७८ अंकले उक्लियो सेयर बजार
- राष्ट्रियसभाका उपाध्यक्षद्वारा राजीनामा
- पुँजीगत बजेट खर्च नहुने अवस्थाको अन्त्य हुनुपर्छ : प्रधानमन्त्री
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया