काठमाडौं । स्याङ्जाको भिरकोट नगरपालिकाका जनप्रतिनिधिले नागरिकता बनाउनको लागि सेवाग्राहीसँग करिब डेढ लाख रुपैयाँ घुस लिएको पाइएको छ ।भिरकोट नगरपालिका वडा नं. ९ का वडाध्यक्ष भिमबहादुर गुरुङ र वडासदस्य कुलबहादुर गुरुङले नागरिकता बनाउनको लागि सिफारिस दिन एक लाख ३५ हजार रुपैयाँ घुस लिएको पाइएको हो ।
अख्तियार दुरुपयोग अनुसन्धान आयोगका अनुसार वडाध्यक्ष भिमबहादुर र वडासदस्य कुलबहादुरले दोहोरो नागरिकता बनाउन झुटो विवरणको आधारमा सिफारिस दिई सेवाग्राहीसँगबाट उक्त रकम लिएका थिए । आयोगले वडाध्यक्ष र सदस्य गुरुङद्वयलाई भ्रष्टाचार निवारण ऐन, २०५९ को दफा ३(१) बमोजिमको कसुरमा बिगो एक लाख ३५ हजार रुपैयाँ कायम गरी सोही ऐनको दफा ३ को उपदफा (१) र दफा ३ को उपदफा (१)को खण्ड (घ) बमोजिम सजाय माग गरी बिहीबार विशेष अदालत काठमाडौँमा मुद्दा दायर गरेको छ ।
यस्तै घुस लिएको रकम सेवाग्राहीलाई नै फिर्ता दिलाइपाउन साथै वडाध्यक्ष भिमबहादुर गुरुङले आर्थिक प्रलोभनमा परी दोहोरो नागरिकता बनाउन झुटो विवरणको आधारमा बदनियतपूर्वक गलत सिफारिस गरिदिएकोले भ्रष्टाचार निवारण ऐन, २०५९ को दफा १९(२) बमोजिमको कसुुरमा सोही ऐनको दफा १९ को उपदफा (२) बमोजिम सजाय मागदाबी गरी मुद्दा दायर गरिएको आयोगका प्रवक्ता नारायणप्रसाद रिसालले जानकारी दिए ।
क्याटेगोरी : बिबिध
ताजा अपडेट
- बागमती प्रदेशसभाको बैठक आज राति १२ बजेदेखि अन्त्य
- उपनिर्वाचनको मौन अवधि आज रातिदेखि
- त्रिविका कानुनी सल्लाहकार खनाललाई कारबाही नगर्न आदेश
- अन्तर्राष्ट्रिय वित्तीय संस्थाका प्रतिनिधिद्वारा अर्थमन्त्रीसँग भेट
- १७ वर्षपछि कर्तव्य ज्यान मुद्दाका फरार प्रतिवादी पक्राउ
- बोलेरोको ठक्करबाट तीन युवकको मृत्यु
- एक सय वर्षदेखिको इतिहास धार्मिक पर्यटनसँग जोडिँदै
- रङ्गशाला निर्माण सम्झौता भङ्ग गर्ने राखेपको निर्णयप्रति जनकपुरधाम उपमहानगरको विरोध
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया