दोलखामा कोरोना संक्रमितको संख्या दिनहुँ बढ्दै
दोलखा । जिल्लामा कोरोना संक्रमितको संख्या दिनहुँ बढ्दै गइरहेको छ । गत सातासम्म कोरोना संक्रमणदर शून्य रहेको दोलखामा पछिल्लो एकै सातामा ५२ जनालाई कोरोना संक्रमण पुष्टि भएको छ ।
जिल्ला स्वास्थ्य कार्यालय दोलखाका अनुसार गत शनिबार २४ जनालाई, आइतबार २० जनालाई र सोमबार ८ जनालाई कोरोना संक्रमण पुष्टि भएको हो । सोमबार कोरोना पुष्टि हुनेहरूमा जिरी नगरपालिकाका दुई जना, भीमेश्वर नगरपालिकाका एक जना र ताामाकोशी गाउँपालिकाका पाँच जना रहेका छन् । कोरोना संक्रमण नियन्त्रणको लागि सबै पालिकाहरूमा एन्टिजिन परीक्षणलाई तीव्रता दिइरहेको स्वास्थ्य कार्यालय दोलखाका प्रमुख अर्जुन पौडेलले जानकारी दिए ।
यस्तै जिल्ला प्रशासन कार्यालय दोलखाले जिल्लामा कोरोनाको तेस्रो लहरको जोखिम बढेको भन्दै अनिवार्य खोपकार्ड कार्यक्रम लागू गरेको छ । कोरोना संक्रमण रोकथाम र नियन्त्रणका लागि माघ ७ गतेबाट सार्वजनिक सेवा प्रवाह हुने कार्यालयहरूमा सेवा लिनका लागि कोरोना खोपकार्ड अनिवार्य देखाउनुपर्ने व्यवस्था लागू गरिएको प्रमुख जिल्ला अधिकारी टेकराज निरौलाले जानकारी दिए । उनका अनुसार गृह मन्त्रालयको निर्णयअनुसार उक्त व्यवस्था दोलखामा पनि लागू गर्न लागिएको हो । यस्तै सार्वजनिक स्थानहरू, होटल, रेष्टुरेन्ट, सिनेमा हल, रंगशाला, पार्क आदिमा प्रवेश गर्दा पनि अनिवार्य रूपमा कोभिडविरुद्धको खोप लगाएको कार्ड देखाउनुपर्ने निरौलाले बताए । यता स्वास्थ्य कार्यालय दोलखाले पनि जोखिम बढेको भन्दै माघ ६ गतेदेखि १४ गतेसम्म खोप कार्यक्रम सञ्चालन गर्ने जनाएको छ ।
कार्यालयले माघ ६ गतेदेखि १४ गतेसम्म १२ वर्षदेखि १७ वर्ष उमेरसमूहका सबै बालबालिकालाई कोभिड १९ विरुद्धको खोप मोडर्नाको दोस्रो मात्रा लगाउने जिल्ला स्वास्थ्य प्रमुख पौडेलले जानकारी दिए । मोडर्नाको दोस्रो मात्रा विगु गाउँपालिका, गौरीशंकर गाउँपालिका, कालिञ्चोक गाउँपालिका र मेलुङ गाउँपालिकामा माघ ६, ७ र ८ गते लगाइने भएको छ । त्यस्तै तामाकोशी गाउँपालिकामा ८, ९ र १० गते, भीमेश्वर नगरपालिका, जिरी नगरपालिका, बैतेश्वर गाउँपालिका र शैलुङ गाउँपालिकामा १२, १३ र १४ गते लगाइने र पहिलो मात्रा लगाउन छुटेका बालबालिकालाई पनि पहिलो मात्र दिने कार्यक्रम छ ।
क्याटेगोरी : बिबिध
ताजा अपडेट
- पुल अलपत्र बनाउने निर्माण कम्पनी कालोसूचीमा
- इलाम–२ उपनिर्वाचन :रास्वपाबाट लिम्बू उम्मेदवार
- शिक्षाका लागि विद्यालयको पूर्वाधार निर्माण आवश्यक छ : मन्त्री राई
- स्वास्थ्यमन्त्री यादवलाई रास्वपाको २६ बुँदे सुझाव
- हिमालमा हेलिकोप्टरको सहारा
- चार दशमलव ७८ अंकले उक्लियो सेयर बजार
- राष्ट्रियसभाका उपाध्यक्षद्वारा राजीनामा
- पुँजीगत बजेट खर्च नहुने अवस्थाको अन्त्य हुनुपर्छ : प्रधानमन्त्री
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया