Techie IT
×
गृहपृष्ठबिबिधउल्फ एयर मास्क अब नेपाली बजारमा

उल्फ एयर मास्क अब नेपाली बजारमा


काठमाडौं । अशुद्ध र प्रदूषित श्वास फेरिरहेका हामीबीच हावामा रहेका कोरोनालगायतका भाइरसलाई नष्ट गरी शुद्ध हावा प्रवाह गर्ने उल्फ एयरमास्क बजारमा आएको छ ।

कोरोना महामारीको बीचताका प्रतिपादन गरिएको उल्फ एयर मास्क विश्व बजारमा छोटो समयमै चर्चा बटुल्न सफल भएको छ । जर्मन टेक्नोलोजी प्रयाग गरेर ‘अल अबाउट इनोभेसन्स’ नामक संस्थाद्वारा भारतमा निर्मित उक्त इलेक्ट्रोनिक्सलाई प्लानेट हेल्थ केयर प्रालिले नेपालको बजारमा ल्याएको छ । हावामा रहेको विकार, किटाणु तथा अशुद्धतालाई ९९.९५ प्रतिशत नष्ट गरी श्वास फेर्नलायक हावा प्रवाह गर्ने उक्त उल्फ एयर मास्क पूर्ण रुपमा स्वास्थ्य मापदण्ड पालना गरी निर्माण गरिएको बताइएको छ । भारतलगायत विभिन्न देशबाट पुरस्कृत उल्फ एयर मास्क सिनेमा हल, सोरुम रेस्टुरेन्ट तथा क्लब, कर्पाेरेट हाउस, अफिस बैंक तथा फाइनान्स र घरका लागि उपयुक्त हुनुको साथै महामारी रोकथाममा टेवा पुग्ने विश्वास कम्पनीले लिएको छ ।

भित्तामा एयर कन्डिसनरजस्तै गरिराख्न मिल्ने उक्त इलेक्ट्रेनिक्सले कति रुपमा हावालाई के कति रुपमा हावालाई शुद्ध बनाइरहेको छ भनी मोनिटरमा हेर्न सकिन्छ । कुनै गन्ध वा पदार्थ फ्याँक्ने उल्फ एयर मास्कले नेगेटिभ आयोन प्रवाह गरी किटाणु नष्ट गर्दै हावालाई शुद्ध बनाउँछ । एयर मास्क वान र एयर मास्क मिनी गरी हाल दुईवटा मोडलमा उपलब्ध उल्प एयर मास्क क्रमशः एक हजार वर्गफिट र पाँच सय वर्गफिटको लागि डिजाइन गरिएको छ । नेपाली बजारअनुरुपको मूल्य, निःशुल्क जडान तथा मर्मत सुविधा र दुई वर्षको वारेन्टी रहेको प्लानेट हेल्थ केयरका सहायक निर्देशक रोजन श्रेष्ठले बताए । आइतबार मेरिएट होटलमा आयोजित एक कार्यक्रममा कम्पनीका वैज्ञानिक तथा आविष्कारक बोनिफोस ग्यास्परले उल्फ एयरमा मास्क पूर्ण रुपमा स्वास्थ्यवद्र्धक र मेडिकल मापदण्डसहित रहेको दाबी गरे । 


क्याटेगोरी : बिबिध

तपाईको प्रतिक्रिया