परम्परागत र फ्युजन नेपाली परिकारहरुको रेसिपी बुक सार्वजनिक
काठमाडौं । वाह ! अलैँची अभियानले नेपालको विशिष्ट उत्पादन अलैँचीको प्रयोग गरी तयार गरिने परम्परागत र फ्युजन नेपाली रेसिपीहरुसहितको पहिलो रेसिपी बुक सार्वजनिक गरेको छ । पुस्तकमा मास्टरशेफ सन्तोष शाह र प्रशिक्षार्थी तथा अन्य शेफहरुबाट विशेष रुपमा छानिएका ४० भन्दा बढी रेसिपीहरु समावेश गरिएका छन् । साथै रेसिपी बुकमा सेकुवा, चिया र खीरजस्ता सदावहार व्यञ्जनहरुका लागि आवश्यक मसलाहरू तयार गर्ने विधि पनि समावेश गरिएको छ ।
यस पुस्तकमा समावेश गरिएका रेसिपीहरु, वाह ! अलैँची अभियानअन्तर्गत पहिलो चरणमा आयोजना गरिएको प्रशिक्षार्थीहरुबीचको खाना बनाउने प्रतियोगिताबाट सङ्कलन गरिएको हो । सो प्रतियोगितामा अलैँचीलाई मुख्य सामग्रीको रुपमा प्रयोग गरिएको थियो जसमा विराटनगर, सौराहा र काठमाडौंका होटलहरुका प्रोफेसनल शेफ तथा कलिनरी विद्यालयका युवा प्रशिक्षार्थीहरु उत्साहका साथ सहभागी भएका थिए । प्रत्येक रेसिपीलाई काठमाडौंका प्रोफेसनल शेफहरुको टोलीद्वारा सावधानीपूर्वक चयन एवं परीक्षण गरिएको थियो ।
सन् २०२२ जुलाई महिनामा नेपाल अलैँची व्यवसायी महासंघले उद्योग, कृषि तथा सहकारी मन्त्रालय प्रदेश १, कृषि तथा सहकारी मन्त्रालय, प्रदेश १ र स्वीस सरकार विकास सहयोगको सहयोग र होटल एसोसिएसन नेपालसँगको सहकार्यमा वाह ! अलैँची अभियान शुभारम्भ गरिएको थियो । यो अभियान घरेलु तथा व्यावसायिक उपभोक्तामाझ अलैँचीको प्रयोग र उपभोगमा सचेतना अभिवृद्धि गर्नमा केन्द्रित छ । साथै, यो अभियानले नेपाली घरपरिवारलाई अलैँचीको फाइदा र स्वादबारे जानकारी गराउने लक्ष्य राखेको छ ।
हाल दोस्रो चरणमा रहेको वाह ! अलैँची अभियानले नेपाली बजार र घरघरमा अलैँचीको प्रयोग र उपभोगलाई प्रवद्र्धन गर्नेछ । यो अभियान अलैँचीलाई प्रवद्र्धन गर्न प्रमुख सरोकारवालाहरुसँगको सहकार्यमा केन्द्रित हुनेछ र साथै रेसिपी बुकको प्रवद्र्धन गर्न सञ्चारमाध्यम, निजी क्षेत्र र होटल एसोसिएसनसँग पनि काम गर्नेछ ।
क्याटेगोरी : बिबिध
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया