सुबास बस्नेत
दोलखा, चैत ४
दोलखाको कालिञ्चोक गाउँपालिका वडा नम्बर ९ सुन्द्रावतीमा दुर्लभ वन्यजन्तु सालक अलपत्र अवस्थामा फेला परेको छ । सुन्द्रावतीस्थित कालिनाग सामुदायिक वन नजिकै गोरेटो बाटोमा फेला पारिएको सालक सोही वनमा छाडिएको छ । स्थानीयले आइतबार फेला पारेको सालक सोमबार जिल्ला प्रहरी कार्यालय चरीकोट बुझाएका थिए । सालकलाई प्रहरीले सोमबारै डिभिजन वन कार्यालयमा बुझाएपछि स्थानीय र वनका कर्मचारीको टोलीले भेटिएकै क्षेत्रमा छाडिदिएको हो ।
बच्चा अवस्थाको सालक फेला परेपछि स्थानीयले एकरात गाउँमै राखेर सोमबार प्रहरीलाई बुझाएका हुन् । डिभिजन वन कार्यालय, भीमेश्वर सबडिभिजनका इन्चार्ज कमल थापाले सालक स्वस्थ पाइएकाले उसको प्राकृतिक अनुकूलताका लागि आवश्यक प्रक्रिया पूरा गरेर सम्बन्धित वनमा छाडिएको जानकारी दिए । माउसँग छुटेपछि बच्चो सालक बाटोमा निस्केको हुनसक्ने स्थानीयले अनुमान गरेका छन् । सालक प्रायः नेपाल, भारत, चीनलगायतका दक्षिण एसियाली राष्ट्रहरू तथा अफ्रिकाका उष्ण भूभागमा पाइन्छ ।
विश्वभर आठ जातिका सालक पाइन्छन् । नेपालमा भने संकटग्रस्त कालो सालक र लोपोन्मुख तामे सालक मात्र पाइन्छन् । यद्यपि पहाडी केही जिल्लामा सेतो सालक पनि पाइने वन्यजन्तुविज्ञहरुको भनाइ छ । सालकले मुख्य रूपमा धमिरा र कमिलालगायत साना कीराहरू मन पराउँछ । खपटा बिक्रीवितरणका लागि चोरीशिकार हुने गरेका सालकको अस्तित्व संकटमा छ । दोलखामा सालकको संख्या के कति छ भन्नेबारे डिभिजन वनसँग पनि तथ्यांक छैन । केही दिनअघि पनि दोलखामा राष्ट्रिय पन्छी डाँफेको उद्धार गरिएको थियो ।
क्याटेगोरी : बिबिध
ताजा अपडेट
- तीन अन्तर्राष्ट्रिय विमानस्थल सञ्चालनको सुझाव दिन गठित समितिले किन दियो निजगढ विमानस्थल बनाउने सुझाव
- के शिक्षामन्त्रीले चाहेर मात्रै दलमा आबद्ध शिक्षकहरूलाई बर्खास्त गर्न सम्भव छ?
- इजरेल र इरानसँग कति हतियार छन्, सैन्य शक्ति कसको बढी छ ?
- एमाले राष्ट्रिय महाधिवेशन प्रतिनिधि परिषद् बैठक
- देशभर पश्चिमी वायु र स्थानीय वायुको आंशिक प्रभाव कायमै
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया