फिकलमा बस दुर्घटनाः १९ घाइते, पाँच जनाको मृत्यु

कमलामाई (सिन्धुली), आइतबार बिहान मध्यपहाडी लोकमार्गअन्तर्गत फिकल गाउँपालिका–४ कुइभिरडाँडामा बस दुर्घटना हुँदा घटनास्थलमै ५ जनाको मृत्यु भएको छ । ओखलढुङ्गाबाट काठमाडौँ जाँदै गरेको बा२ख ६५९६ नम्बरको बस ‘ब्रेक’ फेल भएर दुर्घटना भएको बताइएको छ ।

दुर्घटनामा परि १९जना घाइते भएका छन् र उनीहरुको खुर्कोटस्थित अस्पतालमा उपचारका लागि पठाइएको जिल्ला प्रहरी कार्यालय सिन्धुलीका प्रमुख प्रहरी उपरीक्षक राजकुमार सिलवालले जानकारी दिए । घटनाको विस्तृत विवरण आउन बाँकी नै छ ।