पोखरा महानगरमा कानुनविपरीत करारमा नयाँ कर्मचारी भर्ना
काठमाडौं । महानगरको स्वास्थ्य सेवाका लागि भन्दै पोखरा महानगरका मेयर धनराज आचार्यले कानुनविपरीत करारमा नयाँ कर्मचारी भर्ना गर्न लागेका छन्। उनले कार्यालय सहयोगीदेखि अधिकृत नवौं तहसम्मका ४७ जना कर्मचारी भर्ना गर्न लागेका हुन्।
महानगरका प्रमुख प्रशासकीय अधिकृत वीरेन्द्रदेव भारतीको संयोजकत्वमा पदपूर्ति समिति गठन गरेर करार सेवामा नयाँ कर्मचारी भर्ना गर्न महानगरले विज्ञापन निकालेर छनौट प्रक्रिया अघि बढाइसकेको छ। स्थानीय सरकार संचालन ऐन २०७४ मा यसरी करारमा कर्मचारी भर्ना गर्न नपाउने उल्लेख छ।
पोखरा महानगरका करार कर्मचारीले ऐनले दिएको उक्त सुविधा प्रयोग नगरी करार सेवामा काम गरिरहेका छन्। उनीहरूले लिएको तलब भत्ता बर्सेनि महालेखा परिक्षकको प्रतिवेदनमा बेरूजु देखाउने गरेको छ। मेयर आचार्यले अहिले थप्न लागेका ४७ जना कर्मचारीलाई वार्षिक ३ करोड रूपैयाँ तलब भत्ता स्वरुप प्रदान गर्नुपर्ने महानगरले जनाएको छ।
‘लोकसेवा आयोगबाट आएका कर्मचारीलाई सरकारले नै तलब भत्ता पठाउँछ,’ महानगरका एक अधिकृतले भने, ‘करारका कर्मचारीको तलब भत्ता महानगरकै आन्तरिक आम्दानीमा निर्भर हुन्छ।’
मेयरले आफ्ना कार्यकर्ता भर्ना गर्न विभिन्न अस्थायी प्रकृतिका पदहरू सिर्जना गर्ने र पदपूर्तिका नाममा करारमा भर्ना गर्ने गरेको महानगरकै कर्मचारीहरू बताउँछन्। महानगरका प्रमुख प्रशासकीय अधिकृत भारतीले अस्थायी पद भएकाले लोकसेवा आयोगबाट स्थायी कर्मचारी माग गर्न नमिल्ने बताए।
क्याटेगोरी : पालिका समाचार, महानगर
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया