छात्रवृत्ति नदिने ३४२ निजी विद्यालयको सूची प्रकाशित

काठमाडौं । नियम अनुसार छात्रवृत्ति उपलब्ध गराउन अटेर गर्ने विद्यालयको सूची महानगरपालिकाले सार्वजनिक गरेको छ । गत जेठ १० गते १० प्रतिशत विद्यार्थीलाई काठमाडौं महानगरपालिकाले छात्रवृत्ति प्रदान गर्न भनेको थियो। महानगरपालिकाले त्यसअनुसारको विवरण पेश नगर्ने ३४२ वटा विद्यालयको सूची प्रकाशित गरेको छ।

विद्यालयहरुले अटेरगरी जेठ २८ गतेसम्म पनि विवरण नबुझाएमा काठमाडौँ महानगरपालिका शिक्षा ऐन, २०७५ को दफा ५६ को उपदफा ४ अनुसार विद्यालयलाई प्रदान गरिएको अनुमति वा स्वीकृति रद्द अथवा प्रचलित कानून बमोजिम हदैसम्मको कारबाही गर्ने जानकारी पनि दिएको छ।