दोलखा । जिल्लाको मेलुङ गाउँपालिकाले लिफ्ट प्रविधिसहितको सुविधा सम्पन्न गाउँपालिका प्रशासनिक भवन निर्माण गर्ने भएको छ । पालिकाले १८ महिनाभित्र निर्माण सक्नेगरी गाउँपालिकाको प्रशासनिक भवन निर्माण कार्यलाई तीव्रता दिएको छ ।
पालिकाले १२ करोड ५३ लाख लगानीमा ठेक्कामार्फत भवन निर्माण सुरु गरेको मेलुङ गाउँपालिका अध्यक्ष हिराकुमार थोकरले जानकारी दिए । हाल भवनको पहिलो तलामा ढलान गर्ने तयारी थालिएको उनले बताए । मौसमले साथ दिए यही साताभित्र पहिलो तलाको ढलान सकिने बताए । उनका अनुसार गत वैशाखमा ठेक्का लगाएर भवन निर्माणलाई तीव्रता दिएको हो । गाउँपालिकाभित्रका सेवाग्राही नागरिकलाई एउटै स्थानबाट सेवा दिने उद्देश्यले साढे तीन तलाको सुविधा सम्पन्न अत्याधुनिक लिफ्ट प्रविधिको पक्की आरसीसी भवन निर्माण थालिएको हो ।
हाल पालिकाले अस्थायी भवनबाट सेवा प्रवाह गरिरहेको गाउँपालिकाकी उपाध्यक्ष गायत्री आचार्यले बताइन् । भवन नहुँदा सेवाग्राहीलाई समेत सेवा लिन समस्या भएको उनले बताइन् । जग्गा नहुँदा भवन निर्माणमा केही समय लागेको उनले जानकारी दिइन् । गाउँपालिकाका प्रमुख इन्जिनियर सुमन नेपालका अनुसार निर्माणाधीन भवनको गुणस्तरीयताको लागि नियमित अनुगमन गरिरहेको सुनाए । उनका अनुसार नयाँ बन्ने प्रशासनिक भवनमा न्यायिक समितिको इजलास, कार्यपालिका मिटिङ हल, सभागोष्ठी, कार्यक्रम हल, पालिका अध्यक्ष, उपाध्यक्ष र प्रमुख प्रशासकीय अधिकृतको कार्यकक्ष र गाउँ कार्यपालिकाको सबै शाखाहरूको व्यवस्थापनसहितको लागि २२ कोठाको हुनेछ । भवन निर्माणकाको जिम्मा निर्माण कम्पनी शिम्पानी सनस्ट्रार दिव्यशवरी जेभीले लिएको छ ।
क्याटेगोरी : गाउँ पालिका
ट्याग : #Page 8
ताजा अपडेट
- अन्तर व्यवस्थापिका सङ्घसँग घनिभूत सहकार्य गर्ने नेपालको चाहना
- जनार्दन शर्मा र नेत्रविक्रम चन्द विप्लवबीच भेटवार्ता
- ‘जटिल डेङ्गु’ निम्त्याउन सक्ने पूर्वसङ्केतहरु
- ‘संसद्को आगामी अधिवेशनले प्रहरीसम्बन्धी विधेयक पारित गर्ने’
- ग्राभेलिङ गरिएको पाँचवर्षपछि बुर्तिबाङ–म्याग्दी सडक कालोपत्र
- कुश्मामा आन्तरिक तथा बाह्य पर्यटकको घुइँचो
- हात्ती आक्रमणबाट मृत्यु
- प्रविधिमा पहुँच र प्रतिफल वितरणमा समानता कायम हुनुपर्छ: अध्यक्ष दाहाल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया