वैतेश्वरका चार ग्रामीण सडक निर्माणको लागि ठेक्का सम्झौता

दोलखा । वैतेश्वर गाउँपालिकाले आफ्नै लगानीमा स्तरोन्नती गर्न लागेको चार वटा सडकको निर्माणको लागि ठेक्का सम्झौता गरेको छ ।

गाउँपालिकाले सडकहरुको स्तरोन्नति तथा ढलान गर्न एकैपटक चार वटा टेन्डर आह्वान गरेर ठेक्का सम्झौता गरेको हो । गाउँपालिका तथा बागमती प्रदेश सरकारको समापुरक अनुदानमा ढलान हुने गोपि–जोरमाने खण्डमा यस वर्ष १.५ अर्थात् साढे एक किलोमीटर सडकको चार मिटर चौडाइसहित ढलान गरिने छ । त्यसैगरी बुस्ति–पुतलिकाठ– मिर्गे सडकको थुम्किभीरमा पनि यसवर्ष ढलान गरिने भएको छ । ५.२५ मिटर सडक आरसीसी ढलानको लागि काम सुरु भइसकेको छ । बुस्ति–पुतलिकाठ सडकको निर्माण कम्पनी आकृष्ट एन्ड आकृतले एक करोड ९० लाखमा ठेक्का सम्झौता गरेर काम सुरु गरेको हो । त्यसैगरी डाँडागाँउ मेघेचौर–सुलिडाडा बगर मजुवा सडकमा ११ सय ८५ मिटर सडक ढलान गरिने भएको छ । गाउँपालिकाको मैनापोखरी– क्षेत्रपा सडक खण्डमा यस वर्ष थप चार सय ६० मिटर लम्बाइ तथा पाँच मिटर चौडाइमा सडक ढलान गर्न ठेक्का सम्झौता भएको छ । पालिकाले यी चार सडक स्तरोन्नति गर्न सात करोड बजेट विनियोजन गरेको छ ।

त्यसैगरी गाउँपालिकाले १५ शैय्याको वैतेश्वर अस्पताल निर्माणदेखि भूकम्पले क्षति पुर्याएको विष्णु माध्यमिक विद्यालय भवन निर्माण पनि अन्तिम चरणमा पुर्याएको जनाएको छ । स्थानीय सडक तथा गोरेटोबाटो स्तरोन्नतिलाई प्राथमिकता दिँदै आएको पालिकाले हालसम्म संघ र प्रदेशसँग समन्वय गर्दै ३० किलोमीटर पक्की सडक निर्माण गरिसकेको छ भने ५० किलोमीटर पक्की गोरेटो बाटो निर्माण सम्पन्न गरिसकेको छ । पालिकाले चालु आवमा वितरण गरेका वार्षिक कार्यक्रमलाई अहिले धमाधम कार्यान्वयन गरिरहेको अध्यक्ष छबि लामाले बताए ।

गाउँपालिकाले ५०/५० प्रतिशत समापुरक अनुदानमार्फत निर्माण हुने चार ठूला सडकको टेन्डरमार्फत ठेक्का सम्झौता गरेर निर्माण कार्य सुरु गरेको जानकारी दिए । त्यसैगरी गाउँपालिकाले वितरण गरेका पूर्वाधार तथा भौतिक निर्माणदेखि अन्य स्वास्थ्य, शिक्षा, खानेपानी, रोजगार कृषि र पर्यटन लगायतका क्षेत्रमा विनियोजित बजेट कार्यक्रम कार्यान्वयन गरेर क्षेत्रगत रुपमा विकास भइरहेको बताए ।

तपाईको प्रतिक्रिया

Login

Label

Name*

Email*

Label

Name*

Email*

0 Comments

Oldest

Newest Most Voted

Inline Feedbacks

View all comments