Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठराजनितिबेलायती राजदूत फेन र मन्त्री भण्डारीबीच भेटवार्ता

बेलायती राजदूत फेन र मन्त्री भण्डारीबीच भेटवार्ता


काठमाडौँ । नेपालका लागि संयुक्त अधिराज्य बेलायतका राजदूत रब फेन र उद्योग, वाणिज्य तथा आपूर्तिमन्त्री दामोदर भण्डारीबीच मन्त्रालयमा भेटवार्ता भएको छ ।

मन्त्री भण्डारीका स्वकीय सचिव आनन्दप्रसाद भट्टले सो भेटमा द्विपक्षीय हित र आपसी सहयोगका विषयमा छलफल भएको जानकारी दिए । उनले राजदूतसँगको भेटमा जलविद्युत् तथा ऊर्जा क्षेत्रका साथै उत्पादनमूलक उद्योग, सूचना प्रविधि र अन्य सेवा क्षेत्रमा बेलायती लगानीको ठोस प्रयास हुने विश्वास व्यक्त गरे ।

“नेपाल सन् २०२६ मा अति कम विकसित मुलुकबाट विकासशील मुलुकमा स्तरोन्नति हुने भएको छ, त्यसपश्चात्को केही वर्षका लागि अति कम विकसित मुलुकलाई प्रदान गरिएको सुविधाको निरन्तरताका लागि पहल गरिदिन पनि आग्रह गर्दछु ।” मन्त्री भण्डारीले भनेका छन् ।

नेपालको उत्पादनशील क्षमता विकास गरी निर्यात अभिवृद्धि गर्न उद्योग तथा निर्यात व्यापार लक्षित प्राविधिक सहायता विस्तारका लागि अनुरोध गर्दै मन्त्री भण्डारीले भने, “अन्तरआबद्धता, पूर्वाधार विकास, ऊर्जा, व्यापार, पर्यटन, लगानी तथा जनस्तरको सम्बन्धलगायत क्षेत्रमा बेलायत सरकारसँग साझेदारी विस्तारमा नेपाल प्रतिबद्ध छ, हामी उद्योग, जलविद्युत् र शिक्षा क्षेत्रको विकासमा बेलायतको अनुभव, ज्ञान, सीप र प्रविधिबाट लाभान्वित हुन चाहन्छौँ ।”

भेटमा राजदूत फेनले नेपाल सरकारसँग नजिक भएर काम गर्न इच्छुक रहेको धारणा राख्दै नेपालको निजी क्षेत्रको विकास बेलायतको प्राथमिकतामा रहेको जनाए । उनले नेपाली निर्यातलाई प्रवर्द्धन गर्न सहयोग गर्ने प्रतिबद्धतासमेत व्यक्त गरे । राजदूत फेनले बेलायत खुला अर्थतन्त्रको पक्षपाती मुलुक भएको जनाउँदै नेपाल र विश्व बजारका बीचमा आफूले सेतुको भूमिका खेल्ने बताए ।


क्याटेगोरी : राजनिति

तपाईको प्रतिक्रिया

guest
0 Comments
Inline Feedbacks
View all comments

0
Would love your thoughts, please comment.x
()
x