सम्झौताको चार वर्षपछि जिरी माविको भवन शिलान्यास
दोलखा । जिल्लाको जिरी नगरपालिकामा रहेकोे जिरी माध्यमिक विद्यालय भवन भूकम्पले ध्वस्त बनाएको आठ वर्ष बितिसक्दा पनि अझै निर्माण हुन सकेको छैन । जिल्लाका अन्य सामुदायिक विद्यालय भवनको निर्माण करिब सम्पन्न हुँदा जिरी माध्यमिक विद्यालय भवनको भने निर्माण सम्झौता गरेको चार वर्षपछि बल्ल भवन शिलान्यास गरिएका छ ।
जिरी नगरपालिकाकै पुरानो तथा ठूलो यस विद्यालयमा भवन निर्माण चीन सरकारको अनुदान सहयोगमा हुन लागेको हो । उक्त भवनको शिक्षा विज्ञान तथा प्रविधि मन्त्री अशोककुमार राईले शिलान्यास गरेका हुन् । विद्यालको शिलान्यास गर्दै उनले सम्झौता म्याद २८ महिना रहेको र सोहीभित्र विद्यालयका सम्पूर्ण संरचना निर्माणसम्पन्न गर्न निर्देशन दिए । २०७६ साल जेठ २८ गते नेपाल सरकार र चिनियाँ सरकारबीच भवन निर्माणको सम्झौता भए पनि विद्यालय पुननिर्माणको काम हुन सकेको थिएन । नगरपालिका तथा विद्यालयले भवन निर्माणको लागी चासो नदिँदा अहिले पनि विद्याथीहरु भूकम्पपछि निर्माण गरिएका अस्थायी संरचनामा पढ्दै आएका छन् ।
हाल चीन सरकारले विद्यालय निर्माण गर्न चासो देखाएपछि विद्यालय भवनको शिलान्यास गरिएको हो । विद्यालय भवनलगायतका भौतिक संरचना निर्माणको जिम्मा चिनियाँ ठेकेदार कम्पनीले नै लिएकोे छ । चिनियाँ टोलीले विद्यालयको सम्पूर्ण संरचना निर्माण गरी २८ महिनाभित्र हस्तान्तरण गर्नुपर्नेछ । विद्यालय भवन निर्माणको लागि चीन सरकारले एक अर्ब ३६ करोड रुपैयाँ अनुदान सहयोग गरेको विद्यालय व्यवस्थापन समितिका अध्यक्ष केशव कुमार कार्कीले जानकारी दिए ।
३३९ वटा सामुदायिक विद्यालयहरु रहेको दोलखामा प्रायः सबै विद्यालयको पुनर्निर्माण सम्पन्न भइसकेका छन् । जिरी माविको भवन निर्माणको लागि सन् २०१९ मा नै सम्झौता भएको थियो । तर २०७६ सालदेखि कोरोना भाइरसको संक्रमण बढ्न थालेकाले भारत सरकारको छवटा, चीन सरकारको दुईवटा र एडीबीको सहयोगमा निर्माण गर्नुपर्ने चारवटा भवन निर्माणमा भने ढिलाइ भएको शिक्षा समन्वय इकाइ दोलखाका प्रमुख शंकरबाबु श्रेष्ठले बताए ।
क्याटेगोरी : प्रदेश समाचार, बागमती प्रदेश
ट्याग : #Page 12
ताजा अपडेट
- मुस्ताङमा लेक लागेर तीन वर्षमा २९ जनाको मृत्यु
- विश्व वरियतामा ऐरीको नयाँ कीर्तिमान
- नेपालद्वारा साउदी अरेबिया छ विकेटले पराजित
- दुर्घटना अपडेटः गम्भीर घाइतेलाई उपचारका लागि कोहलपुर पठाइयो
- एन्फाका उपाध्यक्ष दावा लामा लागू औषध कारोवार गरेको आरोपमा पक्राउ
- आठ ओभरमा सीमित खेलमा नेपालविरुद्ध ब्याटिङ गर्दै साउदी अरेबिया
- गाजाको शरणार्थी शिविरमा आक्रमण : सात बालबालिकासहित १३ को मृत्यु
- अर्थमन्त्री पुन र विश्व बैंकका दुई उपाध्यक्षबीच भेटवार्ता
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया