Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठप्रदेश समाचारकर्णाली प्रदेशभेरी नदीको बेलिब्रिज भाँचिदा ९ जना मजदुर घाइते

भेरी नदीको बेलिब्रिज भाँचिदा ९ जना मजदुर घाइते


सुर्खेत । जाजरकोट र रुकुम पश्चिममा पर्ने भेरी नदीमा निर्माणाधीन बेलिब्रिज भाँचिएर त्यहाँ कार्यरत मजदुरहरू घाइते भएका छन् । त्यसमा केहीको अवस्था चिन्ताजनक रहेको र केहीको मृत्यु भइसकेको प्रहरीको अनुमान छ ।

जिल्ला प्रहरी कार्यालय रुकुम पश्चिमका प्रहरी नायव उपरीक्षक नमराज भट्टराईका अनुसार घाइतेको उपचारका लागि नेपालगन्ज लैजान हेलिकप्टोरबाट खोजी भइरहेको छ । ‘बेलिब्रिज बनाइने क्रममै भाँचिएको हो, घाइते सबै त्यहाँका कामदारहरू हुन्,’ उनले भने, ‘केही घाइतेको स्थानीय स्वास्थ्य संस्थामा उपचार गर्ने प्रयास भइरहेको छ ।’ घाइते बोल्न सक्ने अवस्थामा नरहेको र केही भारतीय कामदारहरू समेत रहेको उनको भनाइ छ ।


क्याटेगोरी : प्रदेश समाचार, कर्णाली प्रदेश

तपाईको प्रतिक्रिया