नयाँ स्टक एक्सचेन्जको माग गर्दै लगानीकर्ताको दौडाह
काठमाडौं । सेयर लगानीकर्ताले नयाँ स्टक एक्सचेन्जको लाइसेन्स दिन ढिलाइ नगर्न माग गर्दै सत्तारुढ दल नेपाली कांग्रेसका सभापति एवं पूर्वप्रधानमन्त्री शेरबहादुर देउवालाई बिहीबार भेटेका छन् । उनीहरूले खुलारूपमा नयाँ ब्रोकर लाइसेन्स, नयाँ स्टक एक्सचेन्ज र कमोडिटिज एक्सचेन्जको लाइसेन्स वितरण प्रक्रियामा ढिलासुस्ती नगर्न माग गरेका हुन् ।
यस्तै लगानीकर्ताले मार्जिन प्रकृतिको सेयर धितो कर्जामा १२ करोडको सीमा हटाउनुपर्ने माग गरेका छन् । यस्तै सेयर कर्जामा लगाइएको एक सय ५० प्रतिशत जोखिम भारित औसतलाई एक सय प्रतिशत कायम गर्नुपर्ने, लगानीकर्ताहरूलाई अल्पकालीन र दीर्घकालीन लगानीकर्ताको रूपमा विभाजन गरी अल्पकालीन लगानीकर्तालाई पाँच प्रतिशत र दीर्घकालीन लगानीकर्तालाई तीन प्रतिशत पुँजीगत लाभकर लगाउनुपर्ने, विद्यमान ब्याजदरमा पुनरावलोकन गरी एकल अंकमा कायम गरिनुपर्ने, तरलता समस्याले देशको अर्थतन्त्रमा नकारात्मक असर पारेकाले तत्काल समाधान गर्नुपर्नेलगायत ६ बुँदे माग राखेका छन् ।
लगानीकर्ताले आफूहरूको माग सम्बोधन भएमा सेयरबजारको गुणात्मक र परिमाणात्मक दीर्घकालीन विकास हुनगई सबै पक्षको आयमा वृद्धि हुने दाबी गरेका छन् । यसपछि नेपालको पुँजीबजार पनि विश्वासिलो र भरपर्दो लगानी गन्तव्यको क्षेत्रको रूपमा स्थापित हुने लगानीकर्ताले बुझाएको मागपत्रमा उल्लेख छ ।
नेपालको पुँजीबजारमा ५६ लाख ५० हजार हितग्राही खाता, १६ लाख अनलाइन (टीएमएस) प्रयोगकर्ता रहेको, देशको बजेटभन्दा दुई गुणा ठूलो बजार पुँजीकरण भएको, कुल गार्हस्थ्य उत्पादनको करिब ८५ प्रतिशत स्थान समेटिएको र ५० लाखभन्दा बढी जनसंख्याको सहभागिता रहेको, वार्षिक १५ अर्ब रुपैयाँ बढी राजस्व तिरेको क्षेत्र भएकाले सरकारले पुँजीबजारलाई उपेक्षा गर्न नहुने माग लगानीकर्ताको छ । सरकारी निकाय र नियामकबाट उपेक्षाको रूपमा हेरिएका कारण पुँजीबजारमा समस्या देखिएको उनीहरूको तर्क छ । सरकारको उपेक्षामा परेकै कारण विगतमा ४४ खर्बको बजार पुँजीकरण अहिले साढे २७ खर्बमा सीमित रहेको भन्दै लगानीकर्ताले पूर्वप्रधानमन्त्री देउवासमक्ष सुधारका कदम चाल्न आग्रह गरेका हुन् ।
सेयर लगानीकर्ताका विभिन्न छाता संगठनहरू नेपाल इन्भेस्टर्स फोरम, नेपाल पुँजीबजार लगानीकर्ता संघ र लगानीकर्ता संघ नेपालका प्रतिनिधिहरूले पूर्वप्रधानमन्त्री देउवासमक्ष भेटघाट गरेका हुन् । लगानीकर्ताले दुई साताअघि प्रधानमन्त्री पुष्पकमल दाहाल प्रचण्डलाई पनि भेटेर ६ बुँदे माग प्रस्तुत गरेका थिए ।
क्याटेगोरी : शेयर बजार
ट्याग : #Page 1
ताजा अपडेट
- राष्ट्रपतिद्वारा कतारका अमिरको सम्मानमा रात्रिभोज आयोजना
- राष्ट्रपति पौडेलद्वारा जोशीको रिहाइका लागि पहल गरिदिन कतार अमिरलाई आग्रह
- राष्ट्रपति पौडेल र कतारका अमिर अल थानीबीच भेटवार्ता
- कतारका अमिर नेपालमा, राष्ट्रपति पौडेलबाट स्वागत
- प्रज्ञा स्मृति प्रतिष्ठानको आयोजनामा प्रकाश दाहाल स्मृति भलिबल प्रतियोगिता हुने
- कतारका अमिर शेखको स्वागतमा सांस्कृतिक भेषभूषामा नेपाली
- कतारका अमिरको भ्रमणमा श्रम सम्झौता नवीकरण एउटा मुद्दा, नेपाल के चाहन्छ ?
- मोटरसाइकल दुर्घटनामा धनुषाका पत्रकार यादवको मृत्यु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया