एनआरएनएको चुनावमा आरके शर्माको नयाँ समीकरण

काठमाडौं : गैर आवासीय नेपाली संघ (एनआरएनए) को नयाँ नेतृत्वका लागि गए राति १२ बजे देखि शुरु भएको मतदान भरेराति १२ बजेसम्म चल्ने मतदान प्रक्रियामा नेकपा माओवादी केन्द्र समर्थित टिम सार्वजनिक भएको छ र त्यही टीमको चीट अनुसार मतदान भइरहेको छ ।

अध्यक्ष राजेन्द्र कुमार (आरके) शर्माको टीमबाट उपाध्यक्षमा गोभिन्द प्रसाद श्रेष्ठ, खगेन्द्र न्यौपाने, डा.केशव पौडेल, रोविन श्रेष्ठ, विजय मोक्तान, राजु रेग्मी, अब्दुल बसीन (युवा उपाध्यक्ष) र रोजिना प्रधान राई महिला उपाध्यक्ष रहेका छन् ।

शर्माको टीमबाट महासंघमा बुद्धि सागर सुवेदी रहेका छन् । उनी उम्मेदवारी दिँदा महेश श्रेष्ठको टीममा थिए । उपमहासचिवमा प्रविन गुरुङ र सोम प्रसाद सापकोटा रहेका छन् भने सचिवमा लोक प्रसाद (मोहन प्रसाद) दाहाल, टंक गैरे, कृष्ण जेवी पन्त, रामचन्द्र पोखे्रल, मनोज कुमार श्रेष्ठ चिरन्जीवि घिमिरे र विमला सापकोटा (महिला सचिव) रहेका छन् ।

आरके शर्माको टीमबाट कोषनध्यक्षमा ठाकुर प्रसाद ढुंगाना सह कोषाध्यक्षमा सीपी पौडेल, तिलक प्रसाद गैरे, अभिमन्यु बस्नेत र महिला सह कोषाध्यक्षमा तृष्णा काफ्ले रहेका छन् । आरकेको टीमबाट देवकी अत्री गुरुङ महिला संयोजक सुपेन्द्र घिसिङ र राजेन्द्र पोख्रेल क्षेत्रीय संयोजक रहेका छन् ।

कांग्रेश समर्थित एनआरएनको आलोपालो अध्यक्ष कुल आचार्यले कांगे्रस समर्थित श्रेष्ठ समुहलाई भत्काएर आरके शर्माको नयाँ प्यानल बनाएको चुनावमा चर्चा भएको छ । उक्त चिट वितरण भएपछि त्यस्तो चर्चा भएको हो ।