नेपालमा सिकोले आफ्नो पहिलो फ्ल्यागशिप स्टोर खोल्यो
आर्थिक दैनिक २०८१, जेठ १७ १३:१७ 
प्रसिद्ध जापानीज वाच ब्राण्ड सिको ले नेपालमा आफ्नो पहिलो फ्ल्यागसिप स्टोर संचालनमा ल्याएको छ । काठमाडौँको अपस्केल मार्केटको रूपमा स्थापित दरबारमार्गको वान दरबार मलमा देशकै पहिलो सिको बुटिक सञ्चालनमा ल्याएको हो । तिब्र विकासको क्रममा रहेका बजारहरुमा आफ्नो बलियो उपस्थिती जनाउने सिको को रणनीति अनुरूप यो फ्ल्यागसिप स्टोर सिकोले सञ्चालनमा ल्याएको हो । यस सँगै सिकोले नेपालको रिटेल मार्केटमा आफूलाई बलियो सँग अगाडि बढाउन गरेको प्रतिबद्धतालाई थप बल दिएको छ ।
गुणस्तरीयता, टिकाउका अलावा यसको डिजाईनको कलात्मकता र समयको सटिकतामा जति बयान गरे पनि कमै लाग्ने सिको नेपाली उपभोक्ताका लागि नयाँ नाउँ भने पक्कै होईन । विभिन्न माध्यमबाट दशकौं अगाडी देखि नेपाली उपभोक्ता माझ लोकप्रिय सिकोको नेपालमा बुटिक नै सञ्चालनमा आएको भने पहिलो पटक हो ।
नेपालका प्रतिष्ठित संचारकर्मी भूषण दाहाल तथा उद्योगी राज बहादुर शाहको गरिमामय उपस्थितीमा उद्घाटन गरिने सिको बुटिकको उद्धाटन समारोहमा सिकोको प्रतिनिधिले सहभागिता जनाएका छन् । उद्घाटन कार्यक्रमलाई थप निखारता दिलाउन ब्राण्ड, सौंन्दर्य तथा आधुनिकताको प्रतिनिधित्व गर्दै मोडल तथा कलाकार सोनिया विष्ट तथा रोनीशा श्रेष्ठले सिकोका विभिन्न मोडलका घडीहरू प्रदर्शन गर्नेछन् ।
उद्घाटन समारोहका लागि एक विशेष सन्देश पठाउँदै प्रेसिडेन्ट निलान्द्री मजुमदार भन्छन्, “हामी काठमाडौँमा हाम्रो पहिलो स्टोर खोल्न पाउँदा रोमाञ्चित छौं, संस्कृति, सम्पदा र इतिहासमा धनी शहर काठमाडौंमा हाम्रो उपस्थितीले हामीलाई उत्साही बनाएको छ । आधुनिकता तर्फ बढीरहेको बजार हो जसले गुणस्तर र क्राफ्टम्यासिप बुझ्ने दर्शकहरूलाई प्रतिनिधित्व गर्दछ । हामी विश्वस्त छौं कि हाम्रो नयाँ स्टोरले नेपालका घडी प्रेमीहरू र सङ्कलकहरूलाई अवस्य आकर्षित गर्नेछ ।“
नेपाली उपभोक्ताहरूले सिकोको पछिल्लो संग्रह अनुभव गर्ने विशेष अवसर यस स्टोरमा पाउनेछन्, जसले सिको ब्रान्डको क्राफ्टम्यानसिप र जापानी परम्पराको समर्पणलाई देखाउनेछ । यस स्टोरमा आम उपभोक्ताले घडी किन्दा अनुपम अनुभव प्रदान गर्ने वाचा गरेको छ भने ब्यक्ति अनुसारका विविध रुचि र प्राथमिकताहरूका लागि उपयुक्त सिको घडीहरूको विभिन्न २०० भन्दा बढी मोडलहरु एकै स्थानमा उपलब्ध गराएको छ ।
सिको एक जापानी घडी निर्माता हो जसले १८८१ देखि उत्कृष्ट घडीहरू बनाउँदै आएको छ, किन्तारो हत्तोरीसँग १४० वर्ष अघि सुरु भएको यो यात्रा अनवरत अगाडी बढिरहेको छ ।
समयको परिवर्तन सँगै यसको नवप्रवर्तन र थुप्रै ऐतिहासिक सुरुवातहरूको लागि विश्वव्यापी रूपमा प्रसिद्ध – १९१३ मा जापानको पहिलो घडीको उत्पादनदेखि १९६९ मा विश्वको पहिलो क्वार्ट्ज घडीको निर्माण र २०१२ मा विश्वको पहिलो जीपीएस सोलार घडीको सिर्जना सम्म सिकोले विभिन्न रेकर्डहरु आफूसँग सुरक्षित गरेको छ ।
भारतीय प्रिमियम वाच सेग्मेन्टमा सबैभन्दा छिटो सफलता हाँसिल गरेको ब्रान्ड सिकोले नेपाली बजारमा समेत आफ्नो बलियो उपस्थिती जनाउँदै आएको छ । सिकोको अलावा, आफ्नो विलासी ब्रान्ड ग्राण्ड सिको, फेसन ब्रान्ड अल्बा र प्रिमियम सिको कल्क्स पनि विश्व बजारमा विक्री वितरण गर्दै आएको छ ।
क्याटेगोरी : बिबिध, बिशेष
ताजा अपडेट
- पर्वत अस्पतालमा डेङ्गी सङक्रमण बढ्दा शय्या अभाव
- ‘सबैका घरघरमा एक वर्ष भित्र विद्युत् पुर्याइने’
- एकादशी र औँसीमा पशुपक्षी बध गर्न नपाइने
- जाम्बियाले नेपालको खानी उत्खननमा सहकार्य गर्ने
- राजनीतिमा शुद्धीकरण गर्नु अत्यन्त जरुरी छ: मन्त्री गुरुङ
- एमाले सचिवालय बैठक ३ बजे देखि सुरू
- भारतीय कम्युनिस्ट नेता सीताराम येचुरीको निधन
- ईसीबीले ब्याजदरमा कटौती गर्ने सङ्केत
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया