आर्यन इन्जिनियरिङका विद्यार्थी नेपाल इको प्यानलमा

काठमाडौं । आर्यन स्कुल अफ इन्जिनियरिङमा इन्जिनियरिङ अध्ययन गरिरहेका विद्यार्थीले नेपाल इको प्यानलको अध्ययन भ्रमण गरेका छन् । पूर्वाञ्चल विश्वविद्यालयबाट सम्बन्धन प्राप्त कलेजका इन्जिनियरिङ अध्ययनरत विद्यार्थीले सोमबार भक्तपुरस्थित चाँंगुनारायण झौखेलमा रहेको इको प्यानलको कारखानामा पुगेर अध्ययन भ्रमण गरेको प्यानलले जनाएको छ ।

सन् २०१० देखि ब्याच्लर इन इन्जिनियरिङको पढाइ सुरु गरेको कलेजका इन्जिनियर विद्यार्थीहरू पाठ्यक्रमअनुसार सिभिल इन्जिनियरिङ म्याटिरिअल्स विषयमा जानकारी लिन कारखाना पुगेका थिए । कारखानामा पुगेका विद्यार्थी इन्जिनियरलाई नेपाल इको प्यानलका प्रमुख कार्यकारी अधिकृत (सीईओ) इन्जिनियर कृष्णभक्त दुवालले नेपाल इको प्यानल निर्माणको विविध पक्षका बारेमा जानकारी गराएका थिए । नेपाल इको प्यानल पछिल्ला वर्षहरूमा देशभर लोकप्रिय निर्माण सामग्रीको रूपमा आएको छ ।

विद्यार्थीलाई इको प्यानल अग्नि प्रतिरोधी निर्माण सामग्री भएको प्रयोगात्मकरूपमा गरेर देखाइएको थियो । इको प्यानलमा मट्टितेल लगाएर आगो लगाउँंदा पनि नजल्ने निर्माण सामग्री भएको भन्दै इको प्यानलमा आगो लगाएर पनि नबलेको स–प्रमाण देखाइएको थियो । नेपाल इको प्यानल स्थायी वा अस्थायी संरचनामा भित्री तथा बाहिरी पार्टेसन वालको रूपमा प्रयोग हुने आधुनिक निर्माण सामग्री हो । हलुका, भूकम्प प्रतिरोधी, तीव्र निर्माण सम्पन्न हुने, ढुवानीमा सहजता हुनेलगायतका कारण पछिल्ला वर्ष नेपाल इको प्यानल देशभर विभिन्न ठाउँंमा डिलरमार्फत् बिक्री गरिएको छ । भ्रमणले विद्यार्थीमा प्रयोगात्मक ज्ञान बढेको विश्वास कलेजले गरेको छ ।