परिचय नखुलेका दुई पुरुष मृत अवस्थामा फेला

काठमाडौं । भिन्नाभिन्नै स्थानमा दुई पुरुषको शव फेला परेको छ । प्रहरीका अनुसार परिचय नखुलेको उनीहरुको शव धादिङस्थित नदीको किनारामा र चितवनस्थित सामुदायिक वनमा फेला परेको हो ।

धादिङ, बेनिघाट रोराङ गाउँपालिका–७ कृष्णभिरस्थित त्रिशुली नदीको किनारामा परिचय नखुलेका अन्दाजी ४० वर्षीय पुरुष आइतबार मृत अवस्थामा फेला परेका छन् ।

त्यस्तै, चितवन, भरतपुर महानगरपालिका–२९ ईन्द्रेणी सामुदायिक बनको रातोमाटे खोलामा नाम, थर नखुलेका अन्दाजी ४२ वर्षीय पुरुष आइतबार मृत अवस्थामा फेला परेका छन् । यस सम्बन्धमा प्रहरीले आवश्यक अनसुन्धान गरिरहेको जनाएको छ ।