आन्दोलित चिकित्सकहरूले आज पासपोर्टका लागि आवेदन भर्ने

काठमाडौँ । स्वास्थ्यकर्मीमाथि शृङ्खलावद्ध रुपमा भएको आक्रमण विरुद्ध आन्दोलित आवासीय चिकित्सकहरूले शुक्रबार सामूहिक रुपमा पासपोर्ट बनाउनका लागि आवेदन भर्ने भएका छन् । सडक आन्दोलनमा उत्रिएको पाँच दिन बितिसक्दा पनि सरकारले आफ्ना माग सुनुवाइ नगरेको भन्दै उनीहरूले पासपोर्टका लागि आवेदन भर्न लागेको वीर अस्पतालका डा. शेष घिमिरेले बताए ।

पासपोर्ट बनाउनका लागि शुक्रबार एक हजारभन्दा बढी चिकित्सकले आवेदन दिने घिमिरेको भनाइ छ । देशका आवासीय चिकित्सकहरू आफ्ना माग पूरा नभएसम्म निरन्तर आन्दोलनमा उत्रिने डा. घिमिरेले बताए ।