दादुरा रोगबाट सर्तक रहन १ वडा दादुरा रोगबाट सर्तक रहन १ वडा कुपण्डोलको आह्वानको आह्वान

ललितपुर । ललितपुर महानगरपालिका वडा नं १ दादुरा रोगबाट सर्तक रहन १ वडा कुपण्डोलको आह्वानका विभिन्न विद्यालयमा दादुरा रोगको शंकास्पद विरामी भेटिएको पाइएको छ । हालसम्म लक्षण देखिएका १० जना विद्यार्थीहरुको रिपोर्ट परीक्षणको लागि राष्ट्रिय जनस्वास्थ्य प्रयोगशाला टेकु र पाटन अस्पतालमा पठाइएको छ ।

सोमबार ललितपुर महानगरपालिका १ वडाका वडा अध्यक्ष निर्मल तण्डुकारको अध्यक्षतामा बसेको आकस्मिक बैठकले दादुरा रोग नियन्त्रण तथा रोकथामको लागि स्वास्थ्यकर्मी परिचालन, तथ्यांक संकलन, औषधीको व्यवस्थापन, जनचेतनाको कार्यक्रम अघि बढाउने निर्णय गरिएको थियो ।
उक्त बैठकमा ललितपुर महानगरपालिकाका प्रवक्ता एवम् सामाजिक विकास समितिका संयोजक राजु महर्जन, जनस्वास्थ्य अधिकृत सरिता महर्जन, नाइटिँगेल स्कुल र नार्गाजुरा एकेडेमीका प्रिन्सिपल लगायत सरोकारवाला निकायका पदाधिकारीहरुको उपस्थिति रहेको थियो ।

दादुरा रुवेलाको महामारीलाई नियन्त्रण तथा रोकथाम गर्नको लागि बिरामी देखिएका विद्यालय बन्द गर्ने तयारी समेत भइरहेको जनाइएको छ । आधारभूत स्वास्थ्य केन्द्र १ वडाका प्रमुख मघुकरमणि आचार्यका अनुसार दादुरा सरुवा रोग भएको हुँदा यसको लक्षण देखिएमा छुट्टै आइसोलेसन बस्न र तत्काल वडामा जानकारी गराइदिन समेत अनुरोध गरेका छन् ।

क्याटेगोरी : स्वास्थ्य / जिवनशैली
ट्याग : #page 3