इको प्यानलद्वारा मजदुरको स्वास्थ्य परीक्षण

काठमाडौं । पेशागत स्वास्थ्य सुरक्षालाई ध्यानमा राख्दै इको प्यानल नेपाल प्रालिले आफना कर्मचारी तथा मजदुरहरुको स्वास्थ्य परीक्षण गरेको छ । कम्पनीले भक्तपुरको चाँगुनारायण नगरपालिकास्थित झौखेलमा रहेको कारखानामाा चिकित्सकलाई बोलाएर कर्मचारी तथा मजदुरहरुको निःशुल्क स्वास्थ्य परीक्षण गराएको हो ।

कर्मचारी तथा मजदुरहरुको प्रेसर, सुगरलगायतको जनरल स्वास्थ्य परीक्षण गराएको कम्पनीले जनाएको छ । ख्वप अस्पताल च्याम्हासिंहका डा निर्जना वजिक्वले उनीहरुलाई सेवा दिएकी थिइन् । कम्पनीका प्रमुख कार्यकारी अधिकृत (सीईओ) कृष्णभक्त दुवालले कर्मचारी स्वस्थ भए मात्रै कम्पनी राम्रो हुने भन्दै सामाजिक उतरदायित्वअन्तर्गत कर्मचारी तथा मजदुरहरुको निःशुल्क स्वास्थ्य परीक्षणको व्यवस्था गरिएको बताए । यो कामलाई निरन्तरता दिँदै निःशुल्क औषधि वितरण गर्ने योजना पनि रहेको उनले सुनाए । स्टाफ हेल्थ चेक अप क्याम्प (कर्मचारी स्वास्थ्य जाँच क्याम्प) नाम दिइएको यो क्याम्पमा कर्मचारी तथा मजदुर गरी तीन दर्जनले स्वास्थ्य सेवा पाएका थिए ।

कम्पनीको भक्तपुरको सल्लाघारीमा रहेको कर्र्पाेेरेट कार्यालयका कर्मचारीहरुको पनि स्वास्थ्य परीक्षण गरिएको थियो । इको प्यानलले झौखेलको कारखानाबाट इको प्यानल उत्पादन गर्दै आएको छ । स्थायी तथा अस्थायी संरचनामा भित्री तथा बाहिरी पार्टेसन वालको रुपमा प्रयोग हुने आधुनिक निर्माण सामाग्री नै इको प्यानल हो । पछिल्लोपटक इको प्यानल नेपालले आफ्नो भगिनी कारखानाको रुपमा झौखेलमै यूपीभीसी झ्यालढोकाहरुको उत्पादन पनि थालेको छ ।