वार्षिकोत्सवको अवसरमा नर्भिकको ३० प्रतिशत छुट

काठमाडौं । नर्भिक इन्टरनेसनल हस्पिटलले आफ्नो स्थापनाको ३०औँ वर्षमा प्रवेश गरेको अवसरमा विशेष अफर सर्वाजनिक गरेको छ । नर्भिकले ३०औँ वार्षिकोत्सवको अवसरमा अस्पतालका सेवा सुविधामा ३० प्रतिशत छुट दिने भएको हो ।

अस्पालले पत्रकार सम्मलेन गरी अफरहरूको बारेमा जानकारी गराएको हो । अस्पालका अध्यक्ष राजेन्द्र बहादुर सिंहका अनुसार सबै स्वास्थ्य प्याकेजमा वैशाख १ गतेदेखि ८ गतेसम्म लेजर र हाइड्रा फेसियल, आईभीएफ (फर्टिलिटी प्याकेज) र म्यामोग्राफीमा एक महिनाका लागि ३० प्रतिशत छुट पाइनेछ । यसैगरी पत्रकार परिवारका लागि विशेष हेल्थ प्याकेज पनि ल्याउन लागिएको सिंहले जानकारी दिए । साथै वैशाख महिनामा चारवटा स्वास्थ्य शिविर पनि आयोजना गरिने अस्पतालले जनाएको छ । नर्भिक इन्टरनेसनल हस्पिटल स्थापनाको ३०औँ वर्षमा प्रवेश गरेको छ ।