संस्थानको धान खरीदमा व्यापारीको हालीमुहाली
सन्तोष पौडेल
वीरगञ्ज, पुस १८
नेपाल सरकारले खाद्य संस्थानमार्फत किसानहरूसँग धान खरीद गर्ने प्रक्रियामा व्यापक अनियमितता भएको पाइएको छ । खाद्य संस्थानले नितान्त कृषकहरूको धान खरीद गर्नुपर्ने नियम छ तर किसानहरूलाई पाखा लगाई संस्थानले व्यापारीसँग धान खरीद गरिरहेको छ ।कृषकहरूका अनुसार कर्मचारी र व्यापारीहरूको मिलेमतोमा गाउँबाट धान खरीद गर्ने गरिएको छ । संस्थानमा किसानहरू धान बेच्न गएपछि कर्मचारीहरूले विभिन्न झमेला खडा गर्ने गरेको कृषकहरूले बताए ।
किसानबाट व्यापारीहरूले प्रतिक्वीन्टल दुई हजारदेखि दुई हजार दुई सयसम्ममा खरीद गरेको धान खाद्य संस्थानले दुई हजार छ सय रूपैयाँमा व्यापारीहरूसँग खरीद गर्ने गरेको छ । व्यापारीसँग प्रतिक्वीन्टल कर्मचारीले चार सयदेखि छ सय रूपैयाँ कमिशन लिने गरेको कृषकहरूले आरोप लगाएका छन् । व्यापारीहरूले कमिशन दिने गरेको कारण उनीहरूबाट नियमविपरीत धान खरीद गर्ने गरिएको किसानहरूले आरोप लगाएका छन् । कमिशन नदिँदा दुई दिनसम्म धान लोड ट्याक्टर रोकेर राख्दा सोको भाडा महँगो पर्ने गरेको किसानहरूको आरोप छ । तर, संस्थानका प्रमुख नरनाथ अधिकारीले कुनै व्यापारीसँग धान खरीद नगरेको बताए ।
नियमअनुसार वास्तविक किसानहरूको पहिचान गरी धान खरीद गर्ने गरेको उनको भनाइ छ । उनले अहिलेसम्म सोना मन्सुली प्रतिक्वीन्टल दुई हजार छ सय ६३ रूपैयाँको दरले ११ हजार ७० क्वीन्टल सोना मन्सुली तथा तीन हजार रूपैयाँको दरले तीन हजार २० क्वीन्टल जीरा मसिनो चामल खरीद गरेको बताए । चिसो धान तथा व्यापारीले ल्याएको धान आफूले थाहा पाएपछि फिर्ता गर्ने गरेको पनि उनले बताए ।
क्याटेगोरी : सहकारी–कृषि
ताजा अपडेट
- चितवनमा ६४ जनामा डेङ्गु सङ्क्रमण
- चारवटा प्रदेशमा भारी वर्षा हुने
- पर्यटन नीति र कानुन समयानुकूल बनाइने छ: मन्त्री पाण्डे
- सौर्य एयरलाइन्सका चालक शाक्यको स्वास्थ्यमा सुधार
- वनमन्त्री शाहीसँग भारतीय राजदूतको शिष्टचार भेट
- सर्पदंशका बिरामीको निःशुल्क उपचार गरिने
- मधेश प्रदेश लोकसेवा आयोगको अध्यक्षमा डा. यादव
- प्रदेशभित्रका सबै जिल्लामा एम्बुलेन्स सेवा विस्तार गर्ने
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- राजेन्द्र विमल र हरिहर शर्मालाई पुरस्कृत गरिने
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया