सहकारी–कृषि

मनेश्वरी सहकारीको अध्यक्षमा महर्जन

काठमाडौं, पुस २८
मनेश्वरी वचत तथा ऋण सहकारी संस्था लि.को नवौँ वार्षिक साधारणसभाले नयाँ कार्यसमिति चयन गरेको छ । साधारणसभाले संस्थाको अध्यक्षमा नरेन्द्र महर्जनलाई निर्विरोध निर्वाचित गरेको हो । त्यस्तै संस्थाको उपाध्यक्षमा सुनिल खड्गी, सचिवमा चन्द्रलाल श्रेष्ठ र कोषाध्यक्षमा गणेशप्रसाद तिमिल्सिना चयन भएका छन् । त्यस्तै सदस्यहरूमा द्वारिकानाथ महर्जन, शान्तकुमार महर्जन, संगीता खड्गी चयन भएका छन् । साधारणसभाले लेखा समिति संयोजकमा विष्णुराज पाण्डे र सदस्यहरूमा रमिता महर्जन र शंकरबहादुर श्रेष्ठलाई निर्विरोध निर्वाचित गरेको छ । संस्थाको अध्यक्ष माधवकुमार थापाको अध्यक्षतामा सम्पन्न साधारणसभाले आर्थिक वर्ष २०७५/७६ को वार्षिक प्रतिवेदन, लेखापरीक्षकको प्रतिवेदनसहितको २०७६ आषाढ मसान्तसम्मको वासलात, नाफा नोक्सान हिसाब तथा नगद प्रवाह विवरणसहितको वित्तीय विवरणहरू पारित गरेको छ । साथै सभाले आव २०७५/७६ सम्मको आव २०७६/७७को लागि लेखापरीक्षकको समेत नियुक्ति गरेको छ ।

तपाइको प्रतिकृया

यो पनि पढनुहोस