तानसेनमा एभरेष्ट बैंकको नयाँ एक्सटेन्सन काउन्टर

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौं, एभरेष्ट बैंकले सेवा विस्तार गर्ने क्रममा पाल्पाको तानसेनमा नयाँ एक्सटेन्सन काउन्टर सञ्चालनमा ल्याएको छ । यस काउन्टरको विस्तारसँगै एभरेष्ट बैंकको एक्सटेन्सन काउन्टर संख्या पाँच पुगेको छ । बैंकले सोमबार लुम्बिनी प्रदेशअन्तर्गत पाल्पा जिल्ला, तानसेन नगरपालिका–७ स्थित लुम्बिनी मेडिकल कलेज एन्ड टिचिङ हस्पिटल लिमिटेडको परिसरमा उक्त काउन्टर सञ्चालनमा ल्याएको हो ।

नयाँ एक्सटेन्सन काउन्टर सञ्चालनमा आएसँगै बैंकले स्थानीय बासिन्दा तथा अस्पताल परिसरमा आउने सेवाग्राहीलाई सहज र आधुनिक बैंकिङ सेवा उपलब्ध गराउने जनाएको छ । बैंकका अनुसार काउन्टरबाट ग्राहकले आफ्नो आवश्यकताअनुसार विभिन्न बैंकिङ सेवा लिन सक्नेछन् ।

पाल्पाको प्रमुख व्यापारिक तथा प्रशासनिक केन्द्रका रूपमा रहेको तानसेनमा बैंकिङ पहुँच विस्तारले स्थानीय सेवाग्राहीलाई थप सुविधा पुग्ने अपेक्षा गरिएको छ । विशेषगरी लुम्बिनी मेडिकल कलेज एन्ड टिचिङ हस्पिटल परिसरमै काउन्टर स्थापना भएपछि अस्पतालसँग सम्बन्धित कर्मचारी, सेवाग्राही तथा आसपासका बासिन्दालाई बैंकिङ कारोबारका लागि अन्य स्थानमा जानुपर्ने बाध्यता कम हुने विश्वास गरिएको छ ।

बैंकले देशका विभिन्न क्षेत्रमा आफ्नो सेवा सञ्जाल विस्तार गर्दै ग्राहकलाई सरल, सहज र प्रविधिमैत्री बैंकिङ सुविधा उपलब्ध गराउने लक्ष्य लिएको जनाएको छ । बैंकले नयाँ काउन्टरमार्फत पाल्पावासीलाई अत्याधुनिक, सरल र सहज बैंकिङ सेवा उपलब्ध गराउन सकिने विश्वास व्यक्त गरेको छ ।