अग्नि ग्रुपद्वारा ‘ट्रियो झोर डी भी’ नेपालमा

काठमाडौँ । नेपालका लागि महिन्द्रा एन्ड महिन्द्राको आधिकारिक वितरक अग्नि ग्रुपको सहायक कम्पनी अग्नि इनर्जीले नेपालमा ‘ट्रियो झोर डी भी’ सार्वजनिक गरेको छ ।

कम्पनीले नेपाल इभी इन्टरनेसनल सोमा महिन्द्राको पछिल्लो उत्पादन महिन्द्रा ‘ट्रियो झोर डी भी’लाई सार्वजनिक गरेको हो । कम्पनीका अनुसार ट्रियो झोर डी भी एक क्रान्तिकारी नयाँ इलेक्ट्रिक थ्री–ह्विलर डेलिभरी भ्यान हो । ऊर्जा जलस्रोत तथा सिँचाइमन्त्री शक्तिबहादुर बस्नेतले मेलाको शुभारम्भ गर्दै सोही समयमा नयाँ इलेक्ट्रिक थ्री–ह्विलर ट्रीयो झोर डेलिभरी भ्यानको पनि उद्घाटन गरेका थिए ।

महिन्द्रा ट्रियो झोर डी भीलाई उत्कृष्ट ग्राहक मूल्य प्रस्ताव प्रदान गर्न अत्याधुनिक प्रविधिको साथ विकसित गरिएको कम्पनीले जनाएको छ । अतुलनीय वृद्धिशील बचत, उद्योगमा उत्कृष्ट कार्यसम्पादन र उन्नत लिथियम–आयन प्रविधि जस्ता हाइलाइटका साथ, ट्रियो झोर डेलिभरी भ्यान गेम चेन्जर हुन तयार भएर आएको कम्पनीको भनाइ छ ।