इ–सेवाको १५औँ वार्षिकोत्सवमा १५ अफर
काठमाडौं । इ–सेवाले आफ्नो १५ औँ वार्षिकोत्सवको अवसरमा १५ वटा विभिन्न अफर सार्वजनिक गरेको छ । यो अफर बिहीबारदेखि लागू भएर माघ २५ गतेसम्म सञ्चालनमा रहने कम्पनीले जनाएको छ ।
अफरअन्तर्गत इ–सेवामार्फत कुनै पनि कारोबार गर्ने एक जनाले आइफोन १५ जित्न सक्नेछन् । यसैगरी एयरलाइन्स टिकट काट्ने १५ जनाले मात्र १५ सय १५ रुपैयाँमा आन्तरिक हवाई टिकट पाउन सक्नेछन् । यस्तै, इ–सेवा केयर खरिद गर्नेमध्ये एक जनाले १५ हजार रूपैयाँ क्यासब्याक पाउनेछन् भने होटल बुकिङ गर्नेले १५ सय रूपैयाँ क्यासब्याक पाउन सकिनेछ । यस्तै मोबाइल टपअप गर्दा र बिजुलीको बिल तिर्दा १५ प्रतिशतको दरले एक सय ५० रुपैयाँसम्मको र स्कुल वा कलेजको शुल्क भुक्तानी गर्दा तीन जनाले पाँच हजार रुपैयाँसम्मको क्यासब्याक पाउन सक्नेछन् । इ–सेवाले यीलगायत विभिन्न अफरहरू सार्वजनिक गरेको छ ।
इ–सेवाबाट इन्स्योरेन्सको प्रिमियम भुक्तानी, मोबाइल, टेलिफोन, इन्टरनेट, बिजुली तथा खानेपानीको महसुल भुक्तानी, विभिन्न सरकारी कार्यालयहरूको शुल्क भुक्तानी, हवाईजहाज, बसको टिकट, स्कुल कलेजको शुल्कलगायतका करिब चार लाख मर्चेन्ट तथा सेवा तथा सुविधाको भुक्तानी गर्न सकिन्छ । नगदरहित अर्थतन्त्रको परिकल्पना गर्दै सन् २००९ मा बेटा भर्जनमा इ–सेवाको सुरुवात भएको थियो । २०१० जनवरी २५ बाट कारोबार सेवा सुरु गरेको इ–सेवा १५ वर्ष पूरा गरी १६ औँ वर्षमा प्रवेश गरेको छ । १५ औँ वार्षिक उत्सवको अवसरमा इ–सेवाका प्रमुख कार्यकारी अधिकृत जगदीश खड्काले आगामी दिनमा इ–सेवाको मोबाइल एपलाई आम मानिसको हरेक क्रियाकलापमा साथ दिएर सुपर एप्सको रूपमा विकास गर्ने बताए ।
१५ वर्षको अवधिमा इ–सेवा प्रयोग गर्ने प्रयोगकर्ताको संख्या ८१ लाख पुगेको कम्पनीले जनाएको छ । यसैगरी करिब दुई करोड जनसंख्याले इ–सेवामार्फत सेवा लिइरहेका छन् । हाल देशभर करिब दुई लाख ३० हजारको संख्यामा इ–सेवा एजेन्टहरू रहेका छन् । इ–सेवाले केन्द्रीय कार्यालयसहित सातै प्रदेशबाट सेवा दिइरहेको जनाएको छ । इ–सेवाले नेपालका सुविधा सम्पन्न क्षेत्रदेखि विकट बस्तीहरूमा हुने आर्थिक कारोबारलाई डिजिटल माध्यममार्फत धेरै सहजता ल्याएको छ । आगामी दिनमा इ–सेवाले बैंक तथा वित्तीय संस्थाहरूको सहकार्यमा वित्तीय पहुँच वृद्धि गरी प्रत्येक नेपाली नागरिकलाई नवीनतम् प्रविधि र सेवाहरू प्रदान गर्ने योजना बनाएको जनाएको छ ।
क्याटेगोरी : कर्पोरेट-वाणिज्य-उद्योग
ट्याग : #page 3
ताजा अपडेट
- ओलम्पिक उद्घाटनमा गलत परिचय गराएकोमा आइओसीले माग्यो दक्षिण कोरियासँग माफी
- अष्ट्रेलिया, क्यानाडा र न्युजिल्यान्डद्वारा गाजामा युद्धविरामको आह्वान
- चार दिनदेखि कालीगण्डकी करिडोर बन्द
- स्काइ वाक टावर सञ्चालनपछि भेडेटारका व्यवसायी उत्साही
- काठमाडौँ-तराईरमधेस द्रूतमार्ग : जग्गा अधिग्रहणको प्रतीक्षामा नेपाली सेना
- मृत्युको विषयलाई लिएर धनगढीमा तनाब
- तीन वर्षमा आयल निगम ४९ अर्ब घाटादेखि वार्षिक १० अर्ब रूपैयाँ नाफामा, तर नेपालमा किन मूल्य उल्लेख्य घटेन?
- प्यारिस ओलिम्पिक्स २०२४: पहिलोपटक रङ्गशालामा मात्र नभई सहरभरि उद्घाटन समारोह, यस्तो थियो रौनक
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- राजेन्द्र विमल र हरिहर शर्मालाई पुरस्कृत गरिने
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया