नेपालमा आफ्नो उपस्थिति बलियो बनाउँदै जेसीबी
काठमाडौं । निर्माण उपकरण उत्पादनमा विश्व बजारको अग्रणी ब्राण्ड जेसीबीले आफ्नो आधिकारिक वितरक एमएडब्लू अर्थ मुभर्सद्वारा नेपालमा आफ्नो उपस्थिति थप बलियो बनाउने भएको छ । नेपाली बजारलाई सहयोग गर्ने उद्देश्यले जेसीबी इन्डियाले ट्रयाक गरिएका केही एक्साभेटरहरूको लागि पाँच वर्ष वा १० हजार घण्टाको वारेन्टी योजना ल्याएको छ । एमएडब्लू अर्थ मुभर्सले विगत दुई दशक वर्षदेखि नेपालमा जेसीबीका निर्माण उपकरणहरू वितरण गर्दैआएको छ । एमएडब्लूको केन्द्रीय कार्यालय काठमाडौंमा छ भने नेपालभरि ३२ वटा शाखा कार्यालयहरू छन् । साथै, तीनवटा अपरेटर प्रशिक्षण संस्थानहरू छन्, जहाँ युवाहरूलाई जेसीबी मेसिन चलाउन तालिम दिइन्छ । एमएडब्लूले नेपालमा आफ्नो चौथो अपरेटर ट्रेनिङ सेन्टर चितवनमा छिट्टै उद्घाटन गर्न लागेको जनाएको छ ।
जेसीबी इन्डियाका प्रमुख कार्यकारी अधिकृत दिपक सेट्टीले नेपाल कम्पनीको लागि दक्षिण एसियाली क्षेत्रको महत्वपूर्ण बजार रहेको बताए । कम्पनीले ग्राहकहरूका लागि यहाँ सधैं अत्याधुनिक प्रविधियुक्त र उन्नत उत्पादनहरू प्रस्तुत गर्दै आएको जनाएको छ । नेपालमा जेसीबीका १० हजार पाँच सयभन्दा धेरै उपकरणहरू सञ्चालनमा छन् । जसमध्ये व्याक हो लोडर्स, एक्साभेटर, विल्ड लोडर्स र टेलिह्यान्डलर्स प्रसिद्ध छन् । यी सम्पूर्ण उपकरणहरूका पार्ट–पूर्जा र सर्भिसमा एमएडब्लू अर्थ मुभर्सका राष्ट्रव्यापी आउटलेट सञ्जालमार्फत सर्भिस भ्यानहरू परिचालन गरी ग्राहकहरूलाई सेवा सहायता प्रदान गरिन्छ ।
जेसीबीका उपकरणहरूमा जेसीबी लाइभलिंक नामक अत्याधुनिक प्रविधि जडित हुन्छ, जसले मेसिनहरूको सेवा, सञ्चालन र सुरक्षाको बारेमा तत्कालै जानकारी प्रदान गर्छ । शेट्टीले नेपाली बजारको बारेमा बोल्दै थपे, ‘नेपाली बजारमा निर्माण प्रक्रियाका विभिन्न चरणहरूमा रहेका पूर्वाधार परियोजनाले गर्दा आगामी वर्षहरूमा वृद्धिको बलियो अवसर रहेको देखिन्छ र जेसीबी यस प्रक्रियाको हिस्सा बन्न तत्पर छ ।’
एमएडब्लुका प्रिन्सिपल डिलर विष्णु अग्रवालले जेसीबीका उपकरणहरूद्वारा ग्राहकहरूलाई सहायता गर्नेबाहेक कम्पनीले नेपाली युवा जनशक्तिहरूलाई देशमै रोजगारका अवसरहरू प्रदान गरेको बताए । एमएडब्लूले हाल करिब ५०० जनालाई रोजगारी दिएको उनको भनाइ छ । कम्पनीले चालकहरूका लागि तीनवटा विश्वस्तरीय प्रशिक्षण केन्द्रहरूमा पनि लगानी गरेको उनले बताए । यी अपरेटर प्रशिक्षण केन्द्रहरूमा चालकहरूलाई जेसीबीका मेसिनहरू कसरी सुरक्षितरूपमा सञ्चालन गर्ने भनेर सिकाइन्छ । हालसम्म झण्डै पाँच हजार चालकहरूलाई तालिम प्रदान गरिसकेको उनले जानकारी दिए ।
क्याटेगोरी : कर्पोरेट-वाणिज्य-उद्योग
ट्याग : #page 3
ताजा अपडेट
- नेपालमा गोगोरो ब्याट्री स्वापिङ र क्रसओभर जिएक्स२५० स्कुटर सार्वजनिक
- सामसङको ग्यालेक्सी एम५५ फाइभजी नेपालमा
- राकुटेन भाइबरले सबै सरकारी निकायसँग सम्झौता गर्ने
- लगानी सम्मेलनको प्रतिबद्धता र नयाँ सरकारको आवश्यकता
- खरर्बौं लगानीको होटलले उद्योगको मान्यता कहिले पाउने ?
- डढेलोको प्रकोपप्रति सरकारी उदासीनता
- वडाबाटै सामाजिक सुरक्षाभत्ता वितरण
- डढेलोले ड्रयागन फ्रुट फार्म खरानी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया