सुपर तल्लो बागमती जलविद्युत् आयोजनाका लागि लगानी जुट्यो
काठमाडौं । सुपर तल्लो बागमती जलविद्युत् आयोजना निर्माणको लागि आवश्यक लगानी जुटेको छ । सो आयोजना निर्माणको लागि लक्ष्मी सनराइज बैंकको नेतृत्वमा अन्य वित्तीय संस्थाहरूले लगानी गर्ने भएका छन् । सुपर बागमती हाइड्रोपावर लिमिटेडले ललितपुर र मकवानपुर जिल्लास्थित बागमती नदीमा ४१ दशमलव तीन सय १४ मेवा क्षमताको सो आयोजना निर्माण गर्न लागेको छ । सो आयोजनाको कुल लागत नौ दशमलव २८ अर्ब रुपैयाँ रहेको छ । आयोजनामा लगानी गर्ने सम्बन्धी सम्झौतामा हालै सम्झौता भएको हो । सुपर बागमती हाइड्रोपावरले २०७८ माघ १२ मा विद्युत विकास विभागबाट आयोजना निर्माणको लागि उत्पादनको अनुमति पत्र लिएको थियो । यस्तै, २०८० असार २५ मा नेपाल विद्युत् प्राधिकरणसँग विद्युत् खरिद बिक्री सम्झौता समेत गरिसकेको छ । सो कम्पनीको प्रवर्द्धकमा एसियन लाइफ इन्स्योरेन्स कम्पनी लिमिटेड र एएनके कन्स्ट्रक्सन रहेका छन् ।
सो परियोजना निर्माणका लागि लक्ष्मी सनराइज बैंकको नेतृत्वमा सहवित्तीयकरणमा सहभागी बैंकहरूले परियोजना लागतको ७४ दशमलव ३३ प्रतिशत लगानी गर्ने प्रतिबद्धता जनाएका छन् भने बाँकी २५ दशमलव ६७ प्रतिशत रकम प्रवद्र्धक/संस्थापकहरूको लगानी रहने छ । सो परियोजनामा लक्ष्मी सनराइज बैंकको कर्जा प्रतिबद्धता तीन दशमलव चार अर्ब रुपैयाँ रहेको छ भने सहवित्तीयकरणमा सहभागी अन्य बैंकहरूमध्ये सह–अगुवा एभरेस्ट बैंकको दुई दशमलव पाँच अर्ब रुपैयाँ तथा सिटिजन्स बैंक इन्टरनेशनलको १ अर्ब रुपैयाँ लगानी रहेको छ ।
क्याटेगोरी : कर्पोरेट-वाणिज्य-उद्योग
ट्याग : #page 3
ताजा अपडेट
- तीन वर्षमा आयल निगम ४९ अर्ब घाटादेखि वार्षिक १० अर्ब रूपैयाँ नाफामा, तर नेपालमा किन मूल्य उल्लेख्य घटेन?
- प्यारिस ओलिम्पिक्स २०२४: पहिलोपटक रङ्गशालामा मात्र नभई सहरभरि उद्घाटन समारोह, यस्तो थियो रौनक
- चीनबाट ६५ अर्बको सामान आयात
- सरकारलाई असफल हुने छुट छैन : सञ्चारमन्त्री गुरुङ
- चितवनमा ६४ जनामा डेङ्गु सङ्क्रमण
- चारवटा प्रदेशमा भारी वर्षा हुने
- पर्यटन नीति र कानुन समयानुकूल बनाइने छ: मन्त्री पाण्डे
- सौर्य एयरलाइन्सका चालक शाक्यको स्वास्थ्यमा सुधार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- राजेन्द्र विमल र हरिहर शर्मालाई पुरस्कृत गरिने
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया