दराजद्वारा २०२० को तयारी

काठमाडौं, माघ ३
नेपालको अग्रणी अनलाइन बजार, दराजले, अब २०२० को तयारी गरेको छ । सन् २०१२ मा स्थापना भएदेखि नै दराजले २०१८ मा अलिबाबाले दराज अधिग्रहण गरेको हो । हाल दाराज पाकिस्तान, बंगलादेश, नेपाल, श्रीलंका र म्यान्मारमा कार्यरत छ । सन् २०१८ मा दराज एपको व्यापक रिडिजाइन, र २०१९ का थप सुधार तथा विकासहरूमार्फत, दराजले आफ्नो ग्राहकहरुको संख्यामा वृद्धि भएको जनाएको छ । सन् २०१८ देखि कम्पनीले ग्राहक तथा बिक्रेता संख्यामा दुुई सय प्रतिशत र अर्डरहरुमा दुई सय ७० प्रतिशतको वृद्धि देखेको छ । नतिजास्वरूप, दराजले २०१९ मा धेरै सफल अभियानहरू आयोजना ग-यो । २०१९ मा भएको दराज ११.११ को दोस्रो संस्करण ले नै एक्लै ३.५ लाखभन्दा बढी प्रयोगकर्ताहरू दर्ता ग-यो, जुन २०१८ को ११.११ को तुलनामा दुई गुणा बढी हो ।

२०१९ मा धेरै नयाँ अपग्रेडहरू पेस गरिएको थियो । डेबिट र क्रेडिट कार्डद्वारा भुक्तानी, सुदृढ रिभ्यु र रेटिंग प्रणालीका साथ वास्तविक समयमा बिक्रेतासँग प्रत्यक्ष कुराकानी गर्न मिल्ने इन्स्टन्ट मेसजिंग सुविधा, गेमहरूलगायत अरु धेरै छन् । दराजले आफ्नो पूर्वाधार र स्रोतहरूमा भारी लगानी गर्दै दराज एक्स्प्रेस (डेक्स) नामक आफ्नो लजिस्टिक्स इकाइ पनि स्थापना गर्यो, साथै ३ सयभन्दा बढी कर्मचारीहरू पनि थप्यो । २०१९ मा सामसङ, क्यासियो, एडिडास, टाइटन, सियाउमी, सोनम गियर्स, टिभिएस, आदि जस्ता विभिन्न ब्रान्डहरु पनि दराजसँगै सामेल भए ।

दराज एपले दैनिक एक लाखभन्दा बढी प्रयोगकर्ताहरू होस्ट गर्दछ र हरेक महिना १.६ लाख प्याकेजहरू सम्पूर्ण नेपालभर वितरण गर्दछ । नेपालमा मात्र दराजले तीन हजारभन्दा बढी बिक्रेताहरुका साथ लाखौं उत्पादनहरू हजारौँ ग्राहकहरूसम्म पु-याउँदै आएको छ । कम्पनीले २०२० मा अझै धेरै दराज प्रयोगकर्ता र बिक्रेताहरू संलग्न गर्ने उद्देश्य राखेको छ । यसका लागि कम्पनीले लजिस्टिक इकोसिस्टमलाई सुधार्ने तथा देशभरी नेटवर्क बढाई देशभरिका बिक्रेताहरुले दराजमा व्यापार गर्ने मौका दिने, र डिलिभरी लोकेसनहरु थप्ने छ । दराजले २०२० मा आफ्ना ग्राहकहरूको लागि डिजिटल वालेट र अधिक मनोरञ्जन सुविधाहरू प्रस्तुत गर्ने कार्यमा रहेको छ ।