यूएचएस होल्डिङले नेपालमा ल्यायो हेफेल

काठमाडौं । इन्टेरियरसम्बन्धी सेवामा अग्रणी कम्पनी यूएचएस होल्डिङ हेफेल डिजाइन स्टुडियोको शुभारम्भ गरेको छ । गैह्रीधारास्थित हाफेल शोरुममा बिहीबार आयोजित एक समारोहबीच हेफेल दक्षिण एसियाका प्रबन्धनिर्देशक फ्रान्क सोडर र यूएचएस होल्डिङका अध्यक्ष पुरुषोत्तम न्यौपानेले यसको संयुक्त रुपमा उद्घाटन गरेका हुन् ।

हेफेलको नेपालस्थित फ्रेन्चाइजको रुपमा रहेको यस नयाँ डिजाइन स्टुडियोमा आर्टिटेक्चरल हार्डवेयर, ग्लास फिटिङ, फर्निटर फिटिङ, डिजिटल सेक्युरिटी लाइटिङ, किचेन फिटिङलगायत अन्य सम्बन्धित उत्पादनहरु ‘रियल टाइम’ ढंगमा उपलब्ध छन् । उक्त कार्यक्रममा हेफेल एवं यूएचएस होल्डिङका प्रतिनिधिहरुले समुन्नत प्रविधि र उत्कृष्ट कार्यकौशलसम्पन्नताका उत्पादनहरुले विश्वका प्रसिद्ध वास्तुकार एवं इन्टेरियर डिजाइनरहरुलाई अभिप्रेरित गरेको बताए ।

त्यसैगरी, उनीहरुले यस ब्राण्ड आफ्ना ग्राहकहरुप्रति पनि प्रतिबद्ध रहेको जानकारी दिए । नयाँ हेफेल डिजाइन स्टुडियोले ग्राहकहरुलाई नवीनतम उत्पादनहरु प्रदान गर्दै उनीहरुको जीवनशैलीलाई नयाँ उचाइमा पु-याउन मद्दत गर्नेछ । यूएचएस होल्डिङ उच्चस्तरीय बाथरुम, सिलिङ्ग र रेलिङ्ग फर्निचरलगायतका इन्टेरियरसम्बन्धी उत्पादनहरु प्रदान गरिरहेको छ ।