आईएमई–पेको ‘तिमीलाई पनि, मलाई पनि’ अफर

काठमाडौं । आईएमई–पेले वालेट–टु–वालेट ट्रान्सफरलाई प्राथमिकता दिँदै ‘तिमीलाई पनि, मलाई पनि’ नामक अफर सार्वजनिक गरेको छ ।

कम्पनीका अनुसार यो अफर बुधबारदेखि सुरु भएको र आगामी भदौ २६ गतेसम्म चल्नेछ । सो अफरमा ग्राहकवर्गले आईएमई–पेमा वालेट–टु–वालेट ट्रान्सफर अर्थात् आईएमई–पे वालेटबाट आईएमई–पे वालेटमै पैसा पठाउने वा पाउने सेवा प्रयोग गरी स्मार्टवाच–हेयलोउ आरटी एलएस ०५५ जित्ने मौका पाउनेछन् । यस्तै प्रत्येक महिनाको अन्त्यमा दुई जना भाग्यशाली विजेता छनोट गरिनेछ । यस अफरअन्तर्गत पैसा पठाउने ग्राहकवर्गबाट एक जना तथा पैसा पाउने ग्राहकवर्गबाट एक जना विजेता गोलाप्रथाबाट छानिनेछन् ।

अफर अवधिभर वालेट–टु–वालेट ट्रान्सफर गर्ने ग्राहकहरूले सो पुरस्कार जित्न सक्नेछन् । ग्राहकवर्गमा वालेट–टु–वालेट ट्रान्सफर (पीटुपी) सेवाको सहजता र महत्वको जानकारी प्रदान गर्नका साथै ग्राहकहरूलाई विद्युतीय भुक्तानी माध्यममार्फत कारोबार गर्न उत्प्रेरित गर्ने उद्देश्यकका साथ अफर सार्वजनिक गरिएको कम्पनीले जनाएको छ ।