विकास बैंकहरुको चुक्ता पुँजी ४० अर्ब २० करोड
काठमाडौं । विकास बैंकहरुको कुल चुक्ता पुँजी ४० अर्ब २० करोड ७० लाख रुपैयाँ पुगेको छ । नेपाल राष्ट्र बैंकका अनुसार सञ्चालनमा रहेका १७ वटा विकास बैंकले गत कात्तिक मसान्तसम्म सो परिमाणमा चुक्ता पुँजी कायम गरेका हुन् । गत आर्थिक वर्षको सोही अवधिमा सबै विकास बैंकहरुको चुक्ता पुँजी ३७ अर्ब नौ करोड १० लाख रुपैयाँ थियो ।
सबैभन्दा बढी चुक्ता पुँजी मुक्तिनाथ विकास बैंकको छ । मुक्तिनाथले चालू आर्थिक वर्षको कात्तिक मसान्तसम्म छ अर्ब ४२ करोड रुपैयाँ चुक्ता पुँजी कायम गरेको छ । गरिमा विकास बैंक चुक्ता पुँजी धेरै हुने विकास बैंकमा दोस्रो स्थानमा छ । गरिमाको चुक्ता पुँजी पाँच अर्ब १८ करोड ७६ लाख रुपैयाँ कायम छ । यसैगरी, ज्योति विकास बैंकले पनि चार अर्ब ३९ करोड ५७ लाख रुपैयाँ चुक्ता पुँजी कायम गरेको छ । शाइन रेसुंगा डेभलपमेन्ट बैंकले चार अर्ब २८ करोड ३८ लाख रुपैयाँ, महालक्ष्मी विकास बंैकले चार अर्ब १७ अर्ब १३ लाख रुपैयाँ र लुम्बिनी विकास बैंकले तीन अर्ब ३८ करोड २८ लाख रुपैयाँ चुक्ता पुँजी कायम गरेका छन् । यस्तै, कामना सेवा विकास बैंकले तीन अर्ब २८ करोड ११ लाख रुपैयाँ र सांग्रिला डेभलपमेन्ट बैंकले तीन अर्ब २६ करोड ७५ लाख रुपैयाँ चुक्ता पुँजी कायम गरेका छन् । यी सबै विकास बैंक राष्ट्रियस्तरका हुन् ।
क्षेत्रीयस्तरको एक्सेल डेभलपमेन्ट बैंकले एक अर्ब २४ करोड ९६ लाख रुपैयाँ चुक्ता पुँजी कायम गरेको छ । यस्तै, मितेरी र सप्तकोशी डेभलपमेन्ट बैंकले क्रमशः एक अर्ब एक करोड र ८३ करोड ४३ लाख रुपैयाँ कायम गरेका छन् । सिन्धु विकास बैंकले ५५ करोड ७४ लाख रुपैयाँ, कर्पोरेट डेभलपमेन्ट बैेंकले ५२ करोड ५० लाख रुपैयाँ र ग्रीन डेभलपमेन्ट बैंकले ५१ करोड ९० लाख रुपैयाँ चुक्ता पुँजी कायम गरेका छन् । क्षेत्रीयस्तरकै कर्णाली डेभलपमेन्ट बैंक, साल्पा विकास बैंक र नारायणी डेभलपमेन्ट बैंकले क्रमशः ५० करोड २८ लाख रुपैयाँ, ३५ करोड रुपैयाँ र २५ करोड २४ लाख ६७ हजार रुपैयाँ चुक्ता पुँजी कायम गरेका छन् ।
क्याटेगोरी : बैंक बित्त बजार
ट्याग : #Page 1
ताजा अपडेट
- पर्यटन नीति र कानुन समयानुकूल बनाइने छ: मन्त्री पाण्डे
- सौर्य एयरलाइन्सका चालक शाक्यको स्वास्थ्यमा सुधार
- वनमन्त्री शाहीसँग भारतीय राजदूतको शिष्टचार भेट
- सर्पदंशका बिरामीको निःशुल्क उपचार गरिने
- मधेश प्रदेश लोकसेवा आयोगको अध्यक्षमा डा. यादव
- प्रदेशभित्रका सबै जिल्लामा एम्बुलेन्स सेवा विस्तार गर्ने
- जाजरकोट भूकम्प प्रभावितलाई अनुदान रकम उपलब्ध गराउन प्रधानमन्त्रीलाई ज्ञापन
- युरोपियन युनियनका राजदूतको परराष्ट्रमन्त्री डा. राणासँग शिष्टाचार भेट
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- राजेन्द्र विमल र हरिहर शर्मालाई पुरस्कृत गरिने
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया