पाँचवटा प्रदेशको कृषि क्षेत्रमा बैंकहरुको झण्डै दुई खर्ब लगानी
काठमाडौं । घरजग्गा, सवारीसाधनलगायत अनुत्पादक क्षेत्रमा ठूलो परिमाणमा कर्जा लगानी गर्दै आएका बैंक तथा वित्तीय संस्थाले पछिल्लो समय कृषि कर्जामा पनि ऋण लगानी बढाउँदै लगेको देखिएको छ । नेपाल राष्ट्र बैंकको उत्पादनमूलक क्षेत्रअन्तर्गत कृषि क्षेत्रमा कर्जा बढाउने रणनीतिकै कारण बैंक तथा वित्तीय संस्थाले ऋण लगानी बढाएका हुन् ।
नेपाल राष्ट्र बैंकले प्रादेशिक आर्थिक गतिविधि अध्ययन गरी अहिलेसम्म पाँचवटा प्रदेशको छुट्टाछुट्टै प्रतिवेदन सार्वजनिक गरेको छ । कोशी प्रदेश, मधेश प्रदेश, गण्डकी प्रदेश, सुदूरपश्चिम प्रदेश र कर्णाली प्रदेशको प्रतिवेदन सार्वजनिक गर्दै आर्थिक वर्ष २०७९÷८०को अन्तिमसम्म यी प्रदेशमा बैंक तथा वित्तीय संस्थाले करिब दुई खर्ब रुपैयाँ कृषि क्षेत्रमा कर्जा प्रवाह गरेको छ । जुन अघिल्लो आर्थिक वर्षको तुलनामा झण्डै ५० अर्ब रुपैयाँले बढी हो । अघिल्लो आर्थिक वर्षमा बैंक तथा वित्तीय संस्थाले पाँचवटा प्रदेशमा एक खर्ब ३० अर्ब रुपैयाँ कर्जा प्रवाह गरेका थिए ।
प्रतिवेदनअनुसार कोशी प्रदेशमा सबैभन्दा बढी कर्जा लगानी गरेका छन् । कोशी प्रदेशको कृषि क्षेत्रमा कुल ६१ अर्ब १९ करोड २६ लाख १० हजार रुपैयाँ कर्जा लगानी भएको छ । जुन अघिल्लो आर्थिक वर्षको तुलनामा १२ दशमलव दुई प्रतिशतले बढी हो । अघिल्लो वर्ष कोशी प्रदेशको कृषि क्षेत्रमा कुल ५४ अर्ब ५२ करोड २५ लाख रुपैयाँ कर्जा प्रवाह भएको थियो ।
मधेश प्रदेशको कृषि क्षेत्रमा पनि बैंकहरुले गत आर्थिक वर्षमा ५३ अर्ब ९५ करोड रुपैयाँ कर्जा प्रवाह गरेका छन् । जुन अघिल्लो आर्थिक वर्षको तुलनामा १० अर्ब रुपैयाँले बढी हो । अघिल्लो आर्थिक वर्षमा बैंकहरुले ४४ अर्ब २८ करोड रुपैयाँ कर्जा प्रवाह गरेका थिए । गण्डकी प्रदेशको कृषि क्षेत्रमा बैंकहरुले ३१ अर्ब ४५ करोड रुपैयाँ कर्जा लगानी गरेका छन् । जुन अघिल्लो आर्थिक वर्षको तुलनामा छ दशमलव आठ प्रतिशतले बढी हो । सुुदूरपश्चिम प्रदेशकोे कृषि क्षेत्रमा बैंकहरुले १६ अर्ब ७४ करोड ८४ लाख रुपैयाँ कर्जा प्रवाह गरेका छन् । जुन गत आर्थिक वर्षको तुलनामा १० प्रतिशतले बढी हो ।
कर्णाली प्रदेशको कृषि क्षेत्रमा बैंकहरुले सबैभन्दा कम कर्जा प्रवाह गरेका छन् । आर्थिक वर्ष २०७९÷८०मा बैंकहरुले कर्णाली प्रदेशको कृषि क्षेत्रमा जम्मा पाँच अर्ब ४९ करोड ४८ लाख रुपैयाँ कर्जा प्रवाह गरेका छन् । जुन अघिल्लो आर्थिक वर्षको सोही अवधिको तुलनामा १० दशमलव ९२ प्रतिशतले बढी हो । अघिल्लो आर्थिक वर्षमा बैंकहरुले कर्णाली प्रदेशको कृषि क्षेत्रमा चार अर्ब ९५ करोड ३९ लाख रुपैयाँ ऋण लगानी गरेका थिए ।
क्याटेगोरी : बैंक बित्त बजार
ट्याग : #Page 1
ताजा अपडेट
- पर्यटन नीति र कानुन समयानुकूल बनाइने छ: मन्त्री पाण्डे
- सौर्य एयरलाइन्सका चालक शाक्यको स्वास्थ्यमा सुधार
- वनमन्त्री शाहीसँग भारतीय राजदूतको शिष्टचार भेट
- सर्पदंशका बिरामीको निःशुल्क उपचार गरिने
- मधेश प्रदेश लोकसेवा आयोगको अध्यक्षमा डा. यादव
- प्रदेशभित्रका सबै जिल्लामा एम्बुलेन्स सेवा विस्तार गर्ने
- जाजरकोट भूकम्प प्रभावितलाई अनुदान रकम उपलब्ध गराउन प्रधानमन्त्रीलाई ज्ञापन
- युरोपियन युनियनका राजदूतको परराष्ट्रमन्त्री डा. राणासँग शिष्टाचार भेट
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- राजेन्द्र विमल र हरिहर शर्मालाई पुरस्कृत गरिने
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया