फाइनान्स कम्पनीहरूमा वित्तीय जोखिम बढ्यो
आधा दर्जन कम्पनी नोक्सानीमा, खराब कर्जा २९ प्रतिशतसम्म पुग्यो
काठमाडौं । फाइनान्स कम्पनीहरूमा वित्तीय जोखिम बढेको छ । अर्थतन्त्रमा देखिएको संकुचनका कारण फाइनान्स कम्पनीहरूको कर्जाको सावाँब्याज असुलीमा समस्या भएपछि खराब कर्जा उच्चदरमा बढ्दा वित्तीय जोखिम देखिएको हो ।
सञ्चालनमा रहेका १७ वटा फाइनान्स कम्पनीमध्ये अहिलेसम्म १५ वटाले मात्र चालू आर्थिक वर्षको तेस्रो त्रैमासिक वित्तीय विवरण सार्वजनिक गरेका छन् । जसमध्ये पोखरा फाइनान्स, गुडविल फाइनान्स, सेन्ट्रल फाइनान्स, रिलायन्स फाइनान्स, गुह्येश्वरी मर्चेन्ट बैंकिङ एन्ड फाइनान्स, प्रोग्रेसिभ फाइनान्स र समृद्धि फाइनान्सले खुद नोक्सानी व्यहोरेका छन् भने नेपाल फाइनान्स, गोर्खाज फाइनान्स, मञ्जुश्री फाइनान्स, आईसीएफसी फाइनान्स, बेस्ट फाइनान्स र श्री इन्भेस्टमेन्ट फाइनान्सको नाफा घटेको छ । यस अवधिमा मल्टिपर्पस फाइनान्सको मात्रै नाफा बढेको छ । जानकी फाइनान्सको खराब कर्जा सबैभन्दा धेरै झन्डै २९ प्रतिशत पुगेको छ ।
अपरिस्कृत वित्तीय विवरणअनुसार चालू आर्थिक वर्षको तेस्रो त्रैमासमा मञ्जुश्री फाइनान्सले १६ करोड ६३ लाख २९ हजार रुपैयाँ खुद मुनाफा कमाउँदा तीन दशमलव ९५ प्रतिशत खराब कर्जा देखिएको छ । गत आर्थिक वर्षको सोही अवधिमा उक्त फाइनान्सले १७ करोड १७ लाख २० हजार रुपैयाँ खुद मुनाफा कमाउँदा तीन दशमलव ५६ प्रतिशत खराब कर्जा थियो । गोर्खाज फाइनान्सले पनि चालू आर्थिक वर्षको तेस्रो त्रैमासमा पाँच करोड ४८ लाख ७५ हजार रुपैयाँ खुद मुनाफा कमाएको छ । यो फाइनान्सको खराब कर्जा १४ दशमलव ५० प्रतिशत छ । गत आर्थिक वर्षको सोही अवधिमा गोर्खाजले नौ करोड १५ लाख ५४ हजार रुपैयाँ खुद मुनाफा कमाउँदा छ दशमलव ७७ प्रतिशत खराब कर्जा देखिएको थियो ।
आईसीएफसी फाइनान्सले तीन करोड ३२ लाख ७५ हजार रुपैयाँ खुद मुनाफा कमाएको छ । यो फाइनान्सको खराब कर्जा तीन दशमलव ९१ प्रतिशत छ । गत आर्थिक वर्षको सोही अवधिमा फाइनान्सले आठ करोड ३९ लाख ४८ हजार रुपैयाँ खुद मुनाफा कमाउँदा दुई दशमलव ६४ प्रतिशत खराब कर्जा देखिएको थियो । श्री इन्भेस्टमेन्ट एन्ड फाइनान्स कम्पनीले पनि चालू आर्थिक वर्षको तेस्रो त्रैमासमा तीन करोड १२ लाख १६ हजार रुपैयाँ खुद मुनाफा कमाउँदा दुई दशमलव ५५ प्रतिशत खराब कर्जा देखिएको छ । गत आर्थिक वर्षको सोही अवधिमा सो फाइनान्सले ४४ करोड ४८ लाख ६० हजार रुपैयाँ खुद मुनाफा कमाउँदा एक दशमलव २५ प्रतिशत खराब कर्जा थियो ।
मल्टीपर्पस फाइनान्सले भने एक करोड ५९ लाख ३२ हजार रुपैयाँ खुद मुनाफा कमाउँदा तीन दशमलव ४४ प्रतिशत खराब कर्जा देखिएको छ । गत आर्थिक वर्षको सोही अवधिमा उक्त फाइनान्सले ५३ लाख ६६ हजार रुपैयाँ खुद मुनाफा कमाउँदा एक दशमलव १३ प्रतिशत खराब कर्जा देखिएको थियो । यसैगरी बेस्ट फाइनान्सले पनि चालू आर्थिक वर्षको तेस्रो त्रैमासमा ८६ लाख २६ हजार रुपैयाँ खुद मुनाफा कमाउँदा चार दशमलव ३५ प्रतिशत खराब कर्जा देखिएको छ । गत आर्थिक वर्षको सोही अवधिमा उक्त फाइनान्सले दुई करोड ३० लाख ३१ हजार रुपैयाँ खुद मुनाफा कमाउँदा चार दशमलव ७६ प्रतिशत खराब कर्जा देखिएको थियो । नेपाल फाइनान्सले पनि चालू आर्थिक वर्षको तेस्रो त्रैमासमा १३ लाख १८ हजार रुपैयाँ खुद मुनाफा कमाउँदा नौ दशमलव २४ प्रतिशत खराब कर्जा देखिएको छ । गत आर्थिक वर्षको सोही अवधिमा उक्त फाइनान्सले एक करोड तीन लाख ३४ हजार रुपैयाँ खुद मुनाफा कमाउँदा १३ दशमलव १५ प्रतिशत खराब कर्जा थियो ।
पोखरा फाइनान्सले चालू आर्थिक वर्षको तेस्रो त्रैमासमा १८ करोड २९ लाख ३३ हजार रुपैयाँ खुद नोक्सानी व्यहोर्दा सात दशमलव ९१ प्रतिशत खराब कर्जा देखिएको छ । गत आर्थिक वर्षको सोही अवधिमा तीन करोड १५ लाख २१ हजार रुपैयाँ खुद मुनाफा र चार दशमलव ८२ प्रतिशत खराब कर्जा थियो । गुडविल फाइनान्सले पनि चालू आर्थिक वर्षको तेस्रो त्रैमासमा आठ करोड ६४ लाख ६४ हजार रुपैयाँ खुद नोक्सानी व्यहोरेको छ भने छ दशमलव ४७ प्रतिशत खराब कर्जा छ । गत आर्थिक वर्षको सोही अवधिमा फाइनान्सले एक करोड ९९ लाख ९० हजार रुपैयाँ नाफा कमाएको थियो भने खराब कर्जा चार दशमलव ७१ प्रतिशत थियो । सेन्ट्रल फाइनान्सले पनि चालू आर्थिक वर्षको तेस्रो त्रैमासमा छ करोड १४ लाख ४८ हजार रुपैयाँ खुद नोक्सानी व्यहोरेको छ भने नौ दशमलव ५७ प्रतिशत खराब कर्जा देखिएको छ । गत आर्थिक वर्षको सोही अवधिमा फाइनान्सले दुई करोड ३८ लाख ६७ हजार रुपैयाँ खुद मुनाफा कमाउँदा चार दशमलव ६० प्रतिशत खराब कर्जा थियो ।
रिलायन्स फाइनान्सले पनि पछिल्लो अवधिमा चार करोड ७२ लाख ५१ हजार रुपैयाँ खुद नोक्सानी व्यहोरोको छ भने आठ दशमलव ४८ प्रतिशत खराब कर्जा देखिएको छ । गत आर्थिक वर्षको सोही अवधिमा ४६ लाख ३० हजार रुपैयाँ खुद मुनाफा कमाएको रिलायन्समा चार दशमलव २६ प्रतिशत खराब कर्जा थियो । गुह्येश्वरी मर्चेन्ट फाइनान्स पनि पछिल्लो अवधिमा पाँच करोड ५० लाख ९३ हजार रुपैयाँ खुद नोक्सानीमा सञ्चालनमा रहेको छ भने खराब कर्जा बढेर पाँच दशमलव ७३ प्रतिशत पुगेको छ । गत आर्थिक वर्षको सोही अवधिमा गुह्येश्वरीले ८४ लाख १८ हजार रुपैयाँ खुद मुनाफा कमाएको थियो भने चार दशमलव ३८ प्रतिशत खराब कर्जा थियो ।
प्रोग्रेसिभ फाइनान्सले यस आर्थिक वर्षको नौ महिनामा पाँच करोड ४९ लाख रुपैयाँ खुद नोक्सानी व्यहोरेको छ भने खराब कर्जा बढेर नौ दशमलव ३४ प्र्रतिशत पुगेको छ । गत आर्थिक वर्षको सोही अवधिमा सात करोड ५१ लाख १९ हजार रुपैयाँ खुद नोक्सानी व्यहोरेको छ भने खराब कर्जा चार दशमलव ९५ प्रतिशत थियो । जानकी फाइनान्सले पनि चालू आर्थिक वर्षको तेस्रो त्रैमासमा १० करोड ८३ लाख ६० हजार रुपैयाँ खुद नोक्सानी व्यहोरेको छ भने खराब कर्जाको मात्रा बढेर २८ लाख ९१ प्रतिशत पुगेको छ । गत आर्थिक वर्षको सोही अवधिमा उक्त फाइनान्सले एक करोड ५३ लाख ४५ हजार रुपैयाँ खुद मुनाफा कमाएको थियो भने २३ दशमलव ६० प्रतिशत खराब कर्जा थियो । समृद्धि फाइनान्सले पनि चालू आर्थिक वर्षको तेस्रो त्रैमासमा छ करोड ९३ लाख ७५ हजार रुपैयाँ खुद नोक्सानी बेहोरेको छ भने १७ दशमलव २३ प्रतिशत खराब कर्जा देखिएको छ । गत आर्थिक वर्षको सोही अवधिमा १३ करोड ३४ लाख ३६ हजार रुपैयाँ खुद नोक्सानी व्यहोरेको फाइनान्सको खराब कर्जा १३ दशमलव ४९ प्रतिशत थियो ।
क्याटेगोरी : बैंक बित्त बजार
ट्याग : #Page 1
ताजा अपडेट
- एक अर्ब बराबरको वैदेशिक रोजगार बचतपत्र निष्काशन हुँदै
- सिधाकुरा डटकमसम्बन्धी मुद्दा ‘हेर्दाहर्दै’मा
- जनता समाजवादी पार्टी (जसपा )विभाजित !
- प्रमुख तीर्थस्थलका रुपमा देवघाटलाई विकास गर्नुपर्ने माग
- साउनदेखि चैतसम्म नेपालगञ्ज नाकाबाट ७० करोडको जडिबुटी निकासी
- माओवादीसम्बद्ध डेढ दर्जन विभागद्वारा अर्थमन्त्रीलाई सुझाव
- बागमती प्रदेशमा डेङ्गु सङ्क्रमितको सङ्ख्या बढ्दै
- खानीहरुको उत्खनन गरे मुलुकलाई अधिक लाभ हुन्छ: मन्त्री भण्डारी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया