सिद्धार्थ बैंकको महिला उद्यमशील कर्जा

काठमाडौँं, पुस १४
सिद्धार्थ बैंकले महिला उद्यमशील कर्जा सुरु गरेको छ । बैंकले महिला उद्यमीहरूलाई लक्षित गर्दै महिला उद्यमशीलता विकासको लागि १५ लाख रुपैयाँसम्मको कर्जा सुविधा सहजरूपमा प्रदान गर्ने उद्देश्यका साथ ‘महिला उद्यमशील कर्जा’ योजना सञ्चालनमा ल्याएकोे हो । सो कर्जाका लागि नेपाल राष्ट्र बैंकद्वारा प्रदान गराइने सहुलियतपूर्ण कर्जाअनुसार बैंकले आफ्नो आधार दरमा दुुई प्रतिशत प्रिमियम थप गरी ब्याज लिनेछ र छ प्रतिशत ब्याज अनुदान उपलब्ध गराउनेछ ।

महिला उद्यमशील कर्जा सुविधा साना महिला व्यवसायीको वित्तीय पहुँचमा वृद्धि गर्नका लागि उल्लेख सहयोग पु-याउने बैंकको विश्वास रहेको छ । यस कर्जा योजनाका प्रमुख आकर्षणहरूमा ९० प्रतिशतसम्म फाइनान्सिङ सुविधा अर्थात् अधिकतम १५ लाखसम्म कर्जा पाइने, वार्षिक छ दशमलव दुुई प्रतिशतको आर्कषक व्याजदर, प्रशासनिक शुल्क नलाग्ने, अग्रिम भुक्तानी शुल्क नलाग्ने, सरल भुक्तानी सुविधा र पाँच कार्यदिनभित्रै कर्जा स्वीकृत हुुने रहेका छन् ।

यो कर्जा सिद्धार्थ बैंक र यूकेएड सक्षम एक्सेस टु फाइनान्स प्रोग्रामबीचको साझेदारी प्रोजेक्टद्वारा देशका साना तथा मझौला उद्यमहरूको वित्तीय पहुँचमा वृद्धि गर्न डिजाइन तथा सञ्चालन गरिएको हो । बैंकले हाल देशभर एक सय ७६ वटा शाखा (चारवटा एक्सटेन्सन काउन्टरसहित), एक सय एक वटा शाखारहित बैंकिङ सेवा, एक सय ९७ वटा एटीएम र १६ सयभन्दा बढी पसमेसिनमार्फत उच्चस्तरीय बैैकिङ सेवा प्रदान गर्दै आएको छ ।