Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठबैंक बित्त बजारसिटिजन्स बैंकको शाखारहित बैंकिङ सेवा रौतहटको दोस्तीयामा

सिटिजन्स बैंकको शाखारहित बैंकिङ सेवा रौतहटको दोस्तीयामा


काठमाडौं, पुस २२
सिटिजन्स बैंक इन्टरनेसनल लिमिटेडले रौतहटको दोस्तीयामा पनि शाखारहित सेवा विस्तार गरेको छ । बैैकले देशका विभिन्न दुर्गम स्थलका बासिन्दाहरूलाई सर्वसुलभ तथा अत्याधुनिक बैंकिङ सेवा पु-याउने उद्देश्यका साथ शाखारहित बैंकिङ सेवा विस्तार गर्ने क्रममा रौतहट जिल्लाको फतुवा बिजयपुर नगरपालिका –०५ सन्तपुर दोस्तीयामा यहि पुस १८ गतेबाट १०३औं शाखारहित बैंकिङ सेवा प्रारम्भ गरेको हो । फतुवा विजयपुर नगरपालिकाकी उप–मेयर श्रीमती कान्तीदेवी महतोले सो शाखारहित बैंकिङ सेवाको उद्घाटन गरेकी हुुन् । सो स्थानमा सेवा सञ्चालनका लागि स्थानीय व्यवसायी वृजकिशोरप्रसाद यादवलाई व्यावसायिक प्रतिनिधि नियुक्त गरिएको बैंकले जानकारी दिएको छ ।

यो शाखारहित बैंकिङबाट निक्षेप संकलन, रकम भुक्तानी, कोष स्थानान्तरण, मोबाइल फोनको बिल भुक्तानी, उपयोगी सेवाहरूको रकम भुक्तानीलगायत बैंकले प्रदान गर्ने अन्य सेवाहरू उपलब्ध गराउने लक्ष्य राखिएको छ । यस सेवाबाट ग्रामीण क्षेत्रमा बैंकप्रति विश्वास एंव बैंकिङ सभ्यताको विस्तार हुने अपेक्षा बैंकले लिएको छ । बैंकले हाल देशैभरि फैलिएका आफ्ना ८५ वटा शाखा, ८५ वटा एटीएम र १०३ वटा शाखारहित बैंकिङ एकाइहरूबाट करिब चार लाख ग्राहकवर्गलाई आधुनिक बैंकिङ सेवाहरू प्रदान गर्दै आएको छ ।

यसका साथसाथै शाखाहरूसँगको समन्वय, निगरानी, संस्थागत सुशासन, जोखिम व्यवस्थापन एवं गुनासो सुनुवाइजस्ता कार्यहरू छिटो, छरितो, चुस्त र दुरुस्तरूपमा सम्पादन गर्ने उद्देश्यले बैंकले सातवटै प्रदेशमा प्रादेशिक कार्यालयहरूको स्थापना गरिसकेको छ । ग्राहकवर्गहरूलाई विभिन्न किसिमका निक्षेप तथा कर्जा सुविधाहरू, घरैमा बसेर बैंक खाता खोल्न सकिने अनलाइन सुविधा, रेमिट्यान्स सेवा, आस्वा, ड्राफ्ट, कार्ड सेवा, साथै कुनै पनि शाखाबाट रकम झिक्न र राख्न सकिने जस्ता सुविधाहरू पनि उपलब्ध गराउँदै आएको छ ।


क्याटेगोरी : बैंक बित्त बजार

तपाईको प्रतिक्रिया