Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठबैंक बित्त बजारमाछापुच्छ्रे बैंक र फुडमाण्डुबीच सम्झौता

माछापुच्छ्रे बैंक र फुडमाण्डुबीच सम्झौता


काठमाडौं । माछापुच्छ्रे बैंक र फुडमाण्डुबीच व्यावसायिक सहकार्य गर्ने सम्झौता भएको छ । सम्झौताअनुसार माछापुच्छ्रे बैंक फुडमाण्डु प्रालिको आधिकारिक बैंकिङ पार्टनर हुनेछ । फुडमाण्डुको तर्फबाट अध्यक्ष मनोहर अधिकारी तथा माछापुच्छ्रे बैंकको तर्फबाट चिफ बिजनेस अफिसर टिका भट्टराईले, बैंकका चिफ डिजिटल बैंकिङ अफिसर माधव सुवेदीको उपस्थितिमा हस्ताक्षर गरेका छन् ।

साथै माछापुच्छ्रे बैंकका ग्राहकहरूले फुडमाण्डुमा आबद्ध भएका विभिन्न होटल तथा रेष्टुरेन्टमार्फत खाना अर्डर गरी अनलाइनमार्फत बैंकको क्रेडिट कार्ड प्रयोग गरी बिल भुक्तानी गर्दा दैनिक २० प्रतिशत वा बढीमा तीन सय रुपैयाँसम्मको क्यासब्याक पाउन सक्नेछन् । बैंकले आउँदै गरेको दशैँ तिहार, एवं छठ पर्वको अवसरलाई मध्यनजर राखी तीन महिनाको लागि उक्त क्यासब्याक योजना प्रदान गर्ने जनाएको छ । बैंकले देशभर रहेका विभिन्न संघसंस्था तथा व्यापार व्यवसायसँग व्यावसायिक सम्झौता गरी आफ्ना ग्राहकहरूलाई आकर्षक छुट प्रदान गर्दै आएको छ ।


क्याटेगोरी : बैंक बित्त बजार

तपाईको प्रतिक्रिया