सन नेपाल लाइफको साधारणसभा

काठमाडौं । सन नेपाल लाइफ इन्स्योरेन्स कम्पनी लिमिटेडको पाँचौँ र छैटौँ वार्षिक सााधारणसभा गत बुधबार सम्पन्न भएको छ । सञ्चालक समितिका अध्यक्ष अनुज क्यालको अध्यक्षतामा सम्पन्न साधारणसभाले आर्थिक वर्ष २०७७/०७८ र २०७८/०७९ को सञ्चालक समितिको वार्षिक प्रतिवेदनहरू, लेखा परीक्षकको प्रतिवेदनसहित वासलात, नाफा नोक्सान हिसाब, नगद प्रवाहलगायत वित्तीय विवरण प्रतिवेदनहरू पारित गरेको छ ।

साधारणसभाबाट आर्थिक वर्ष २०७९/०८० को लागि लेखापरीक्षक केपीआर एसोसिएट्सलाई नियुक्ति गर्ने प्रस्ताव पारित भएको छ । यसका अतिरिक्त कम्पनीको प्रबन्धपत्र तथा नियमावलीमा संशोधन गर्ने तथा कम्पनीको रजिस्टर्ड कार्यालयको ठेगाना परिवर्तन गर्न प्रबन्धपत्र तथा नियमावली संशोधन प्रस्ताव समेत पारित भएको छ ।