सिटिजन लाइफको वार्षिक साधारणसभा

काठमाडौं । सिटिजन लाइफ इन्स्योरेन्सको छैटौँ वार्षिक साधारणसाभा सम्पन्न भएको छ । कम्पनीको प्रधान कार्यालय, एलएस कम्प्लेक्स थापाथलीमा साधारणसभा सम्पन्न भएको हो ।

साधारणसभाले अध्यक्षको मन्तव्यसहित सञ्चालक समितिको आर्थिक वर्ष २०७८/७९ को वार्षिक प्रतिवेदनउपर छलफल गरी पारित गरेको छ । सभाले लेखापरीक्षकको प्रतिवेदनसहितको आर्थिक वर्ष २०७८/७९ को वासलात, हिसाब, नाफानोक्सान आयव्यय इक्युटीमा भएको परिवर्तनसम्बन्धी विवरण तथा नगद प्रवाह विवरण र सोसँग सम्बन्धित अनुसूचीहरूसहितको वित्तीय विवरणमा छलफल गरी पारित गरेको छ ।

त्यस्तै, कम्पनी ऐन २०६३ को दफा १११ बमोजिम आर्थिक वर्ष २०७९/८० को लागि कम्पनीको लेखापरीक्षक नियुक्त गर्ने र निजको पारीश्रमिक निर्धारण गर्ने र वर्तमान लेखापरीक्षक श्री जोशी एण्ड भण्डारी चार्टर्ड एकाउन्टेन्ट्सलाई पुनः नियुक्ति गरेको छ ।

कम्पनीले आर्थिक वर्ष २०७८/७९ मा संस्थागत सामाजिक उत्तरदायित्वअन्तर्गत कोरोना रोकथामका लागि नेपाल सरकारबाट स्थापित कोषमा कम्पनीको तर्फबाट गरिएको योगदानबापत सात लाख रुपैयाँ कम्पनी ऐन २०६३ बमोजिम अनुमोदन गर्नेलगायतका प्रस्तावहरू पारित गरेको छ ।