गोर्खाज फाइनान्सको नाफा नौ करोड १५ लाख

काठमाडौं, गोर्खाज फाइनान्सले चालु आर्थिक वर्षको तेस्रो त्रैमासिक अवधिमा नौ करोड १५ लाख ५४ हजार सात सय १७ रुपैयाँ खुद मुनाफा आर्जन गरेको छ । गत आवको सोही अवधिमा भने फाइनान्सको यस्तो नाफा नौ करोड ४९ लाख २८ हजार पाँच सय ३४ रुपैयाँ रहेको थियो ।

हाल चुक्तापुँजी ८६ करोड ७९ लाख ९३ हजार आठ सय रुपैयाँ रहेको फाइनान्सले चालु आवको तेस्रो त्रैमासमा सात अर्ब २५ करोड ९३ लाख ५५ हजार पाँच सय १६ रुपैयाँ निक्षेप संकलन गरी पाँच अर्ब ६४ करोड ८१ लाख ८० हजार दुई रुपैयाँ कर्जा प्रवाह गरेको छ ।

सो अवधिमा २५ करोड ४७ लाख २२ हजार पाँच सय ११ रुपैयाँ खुद ब्याज आम्दानी गरेको फाइनान्समा छ दशमलव ७७ प्रतिशत कर्जा निष्क्रिय रहेको छ । वितरणयोग्य नाफा भने १० करोड ३६ लाख २६ हजार नौ सय ४९ रुपैयाँ रहेको फाइनान्सको स्प्रेडदर भने चार दशमलव ७३ प्रतिशत रहेको छ ।

गत आवको सोही अवधिमा भने फाइनान्सले सात अर्ब ५४ करोड सात लाख ४९ हजार तीन सय १७ रुपैयाँ निक्षेप संकलन गरी पाँच अर्ब ७० करोड ९७ लाख ९६ हजार चार सय ८१ रुपैयाँ कर्जाप्रवाह गरेको थियो । उक्त अवधिमा १५ करोड ३५ लाख ५९ हजार नौ सय ६८ रुपैयाँ खुद ब्याज आम्दानी गरेको फाइनान्समा आठ दशमलव ४५ प्रतिशत कर्जा निष्क्रिय रहेको थियो भने स्प्रेडदर चार दशमलव ६७ प्रतिशत रहेको थियो । उक्त अवधिमा फाइनान्सको वितरणयोग्य नाफा भने एक करोड ३३ लाख ६५ हजार चार सय २९ रुपैयाँ रहेको थियो ।