‘श्रीलंकामा अझै एक महिनालाई पुग्ने इन्धन छ’
कोलम्बो । श्रीलंकामा अझै एक महिनालाई पुग्ने पेट्रोलियम पदार्थ रहेको सरकारले दाबी गरेको छ । एएनआईका अनुसार प्रधानमन्त्री रनिल विक्रमासिंघेले बिहीबार संसद्लाई सम्बोधन गर्दै आगामी जुन मध्यान्तर सम्मलाई पुग्नेगरि पेट्रोलियम पदार्थ रहेको दाबी गरेका हुन् ।
अहिले नै पेट्रोलियम पदार्थको अभाव नभइसकेको र अहिले भण्डारण गरिएको पेट्रोलियम पदार्थबाट थप एक महिनालाई पुग्ने उनको भनाइ छ । डिजेल, पेट्रोललगायतका पेट्रोलियम पदार्थको चरम अभाव रहेको हल्ला चलेपछि अभाव र महंगी थप बढ्नथालेपछि प्रधानमन्त्री विक्रमासिंघेले यस्तो जवाफ दिएका हुन् ।
उनले पेट्रोलियम पदार्थको प्रयोग घटाउन, किफायती गर्न र बचत गर्न भने सबैलाई आग्रह गरे । तर हाहाकार हुन्छ झैँ गरेर लामो लामो लाइनमा बसेर आवश्यकताभन्दा बढी पेट्रोलियम पदार्थ किनेर घरघरमा बचत गर्न भने आवश्यक नरहेको उनको भनाइ छ ।
पेट्रोलियम पदार्थको अभाव हुने हल्ला चलेपछि पेट्रोलियम पदार्थ बिक्री वितरण गर्ने पेट्रोल पम्पहरूमा उपभोक्ताको भीड लाग्ने गरेको र अस्वभाविक रुपमा धेरै किन्ने गरेको पाइएको छ ।
उनले देशको आर्थिक अवस्था केही महिनादेखि नै संकटपूर्ण रहेको र त्यो अवस्था दिन प्रतिदिन बिग्रिदै गएको भन्दै यस्तो परिस्थितिमा सबैले आपसमा मिलेर काम गर्नुपर्नेमा पनि जोड दिनु भएको छ । दक्षिण एसियाली मुलुक श्रीलंका यतिखेर आर्थिक तथा राजनीतिक संकटमा गुज्रिएको छ । विशेष गरेर आर्थिक संकट बढेपछि महंगी र अभाव पनि बढेको थियो र त्यही कारणले आम नागरिक आन्दोलित भएका थिए ।
तत्कालीन प्रधानमन्त्री महेन्दा राजापाक्षले राजीनामा दिनुपर्ने माग गर्दै आन्दोलन भएपछि उनले राजीनामा दिएकाले राष्ट्रपति गोटावाय राजापाक्षले केही दिनअघि विक्रमासिंघेलाई प्रधानमन्त्रीमा नियुक्त गरेका हुन् ।
क्याटेगोरी : विश्व बजार
ताजा अपडेट
- साढे चार प्रतिशतको आर्थिक वृद्धिदर हासिल गर्छौं : अर्थमन्त्री पुन
- श्रमिकको सीपमा लगानी गर्नुपर्छ स् श्रममन्त्री अर्याल
- नेपाल वेस्ट इन्डिज ‘ए’सँग पराजित
- बौद्धिक जनशक्तिको पलायन रोक्न स्वदेशमा रोजगारी उपलब्ध गराइने
- ‘डढेलो नियन्त्रणको ज्ञान नहुँदा ज्यानै गयो’
- आगामी बजेटमा आमसञ्चारको धारणा समेट्दै सञ्चार मन्त्रालय
- श्रम मन्त्रालयद्वारा ‘श्रमदान’ अभियानको घोषणा
- श्रम क्षेत्रका विभेद हटाउन नीतिगत सुधार आवश्यक छ: अध्यक्ष नेपाल
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया