Techie IT
×
गृहपृष्ठअन्तर्राष्ट्रियभारतमा थप १९ हजार संक्रमित

भारतमा थप १९ हजार संक्रमित


नयाँ दिल्ली । भारतमा कोरोना भाइरसबाट थप १९ हजारभन्दा बढी संक्रमित भएका छन् । सरकारी अधिकारीहरुले बिहीबार दिएको जानकारीअनुसार पछिल्लो एक दिनमा १९ हजार आठ सय ९३ जना नयाँ संक्रमित भएका हुन् ।

संघीय स्वास्थ्य मन्त्रालयले यसअघि बुधबार सार्वजनिक गरिएको विवरणमा भारतमा नयाँ संक्रमितको संख्या १७ हजार एक सय ३५ रहेको थियो । भारतमा दैनिक संक्रमितहरुको संख्यामा उतारचढाव भइरहेको छ । भारतमा अहिले संक्रमित अवस्थामै रहेकाहरुको संख्या एक लाख ३६ हजार चार सय ७८ रहेको छ ।

मन्त्रालयका अधिकारीहरुका अनुसार भारतमा कोराना भाइरसका कारण अहिलेसम्म पाँच लाख २६ हजार पाँच सय ३० जनाको मृत्यु भएको छ । पछिल्लो २४ घण्टामा २० हजार चार सय १९ जना कोरोना भाइरसबाट संक्रमणमुक्त भएका छन् । एउटै अवधिमा नयाँ संक्रमितको संख्या भन्दा संक्रमणमुक्त भएकाको संख्या धेरै रहेकाले सक्रिय संक्रमित घटेका छन् । रासस/एएनआई


क्याटेगोरी : अन्तर्राष्ट्रिय

तपाईको प्रतिक्रिया