यूएईमा नेपालीले जिते ७१ करोडको चिठा
दुवई । संयुक्त अरब इमिरेट्स (यूएई)मा रहेका एक नेपाली चालकले करोडौँको चिठा जितेका छन् । खालिजटाइमका अनुसार पदम नाम गरेका नेपाली प्रवासीले यूएईको महजुजको १२४औँ ड्रमा दुई करोड दिर्हाम राशीको चिठा जितेका हुन् ।
बुधबारको विनिमय दरअनुसार दुई करोड दिर्हामको नेपाली ७१ करोड ७० लाख रुपैयाँ हुन्छ । उनको चिठाका सबै पाँचवटा नम्बरहरु ५, १०, ४१, ४६ र ४९ मिलेको थियो । उक्त ड्रको नयाँ संरचनाअनुसार सन् २०२३ मा विशाल राशिको पुरस्कार जित्ने उनी पहिलो व्यक्ति भएका छन् ।
पदमले हरेक महिना ५७ सय दिर्हाम आम्दानी गर्दै आएका थिए । काममा व्यस्त हुनुका बाबजुद उनी मानिसहरुलाई पनि सहयोग गर्दै आएका छन् । उनी २३ वर्षदेखि यूएईमा बसिरहेका छन् । उनी एक कम्पनीमा रहेर हालसम्म गाडी चलाइरहेका छन् ।
उनले महजुजमा चिठाका टिकट बिक्री सुरु भएदेखि नै किन्नथालेका थिए । त्यसअघि यसको नाम अर्कै थियो । उनले जित्नसकेका थिएनन् । तर जब महजुज टिकट बिक्री गर्न थालियो उनले ३५ दिर्हाम र ३५० दिर्हाम जितेका थिए ।
नेपाली प्रवासी उनले श्रीमती र छोरीलाई सोधेर १–१ अंकको लक्की नम्बर छानेका थिए । त्यसपछि उनले अन्य तीनवटा छाने । उनले आफ्नै हिसाबले नम्बर छान्ने गरेका थिए । उनी हरेक शनिबार राति विजेता घोषणाको पर्खाइमा हुन्थे । भर्खरै विदाबाट फर्किएका कारण गत हप्ताको संस्करण उनले हेर्न पाएका थिएनन् ।
‘मलाई अर्को दिन ड्रबाट फोन आयो । तर मैले विश्वासै गर्न सकिन र कसैले मसँग जिस्किएको सोचेँ’, उनले भने । तर जब उनले एपमा चेक गरे अनि सपना पूरा भएको थाहा पाए ।
‘मैले फोन लगाइहालेँ, उनीहरुले हो भने’, पदमले भने, ‘त्यसपछि त जमिन नै भासिएको महशुस भयो ।’
त्यसपछि उनले श्रीमतीलाई फोन गरे । पदमले भने, ‘उनले पनि मैले जिस्किएको सोचिन्, तर जब मैले प्रमाणसहित सबै कुरा भनेँ, त्यसपछि औधी खुसी भइन् ।’
जितेको रकमबाट श्रीमतीको मेडिकल खर्च व्यहोर्ने उनको योजना छ । यसबाहेक ऋण तिर्ने र छोरीको भविष्यका लागि बचत गर्ने योजना पदमले बनाएका छन् । उनले यूएईमा नै आफ्नो परिवार राख्न चाहेका छन् । त्यसका लागि केही सम्पत्ति आफ्नो घर बनाउन खर्चिनेछन् । करोडपति बनेका उनी आफ्नो ड्राइभर पेसा पनि जारी राख्ने र महजुज टिकट किनिरहने बताउँछन् ।
क्याटेगोरी : विश्व बजार
ट्याग : #Page 5
ताजा अपडेट
- ओलम्पिक उद्घाटनमा गलत परिचय गराएकोमा आइओसीले माग्यो दक्षिण कोरियासँग माफी
- अष्ट्रेलिया, क्यानाडा र न्युजिल्यान्डद्वारा गाजामा युद्धविरामको आह्वान
- चार दिनदेखि कालीगण्डकी करिडोर बन्द
- स्काइ वाक टावर सञ्चालनपछि भेडेटारका व्यवसायी उत्साही
- काठमाडौँ-तराईरमधेस द्रूतमार्ग : जग्गा अधिग्रहणको प्रतीक्षामा नेपाली सेना
- मृत्युको विषयलाई लिएर धनगढीमा तनाब
- तीन वर्षमा आयल निगम ४९ अर्ब घाटादेखि वार्षिक १० अर्ब रूपैयाँ नाफामा, तर नेपालमा किन मूल्य उल्लेख्य घटेन?
- प्यारिस ओलिम्पिक्स २०२४: पहिलोपटक रङ्गशालामा मात्र नभई सहरभरि उद्घाटन समारोह, यस्तो थियो रौनक
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- राजेन्द्र विमल र हरिहर शर्मालाई पुरस्कृत गरिने
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया