सोलुका किसानलाई फूल जोगाउनै मुस्किल
सोलुखुम्बु । हिन्दु नेपालीहरूको दोस्रो ठूलो चाड तिहार नआउँदै सोलुखुम्बुको गाउँघरमा फुलेका सयपत्री फुलहरू ओइलाएर झर्न थालेका छन् । सोलुखुम्बुको लिखुपिके गाउँपालिका एक डुँडाका प्रेमबहादुर बस्नेतको बारीमा तिहारका लागि रोपिएको फूलहरु केही हप्ता अघिदेखि नै ढकमक्क फुलेका थिए । तर तिहारसम्म ओइलिएर झरिसक्ने हो कि भन्ने बस्नेतलाई चिन्ता छ ।
उनले भने, ‘तिहार आइनपुग्दै बारीको फूल ओइलिएर सबै झ-यो, यो वर्ष छिटो फूल फुलेको हो कि तिहार ढिलो भएको हो, फूल काम नलाग्ने रहेछ ।’ यस वर्षको तिहारको भाइटीका कात्तिक २९ गते परेको छ । तर सयपत्री फूलहरू अहिले नै ढकमक्क फुल्दा लामो समयसम्म फूल नरहने पो हो कि भन्ने अधिकांश किसान तथा सर्वसाधारणमा चिन्ता रहेको थुलुङकी हस्तमाया विश्वकर्मा बताउँछिन् । ‘रहर लाग्दो तवरले फूल फुलेको थियो तर यस वर्षको फूलले तिहार नधान्ने देखियो’, उनले भनिन् । गाउँघरमा जब सयपत्री ढकमक्क हुन्छ तब तिहारको झझल्को आइहाल्छ । घर सझाउनदेखि भाइटीकामा समेत प्रयोग हुने यो फूल पछिल्लो समयमा भने कमै पाइन्छ ।
चाडपर्वका बेलामा समेत पर्याप्त फूल उपलब्ध हुँदैन भने फुलेको फुल पनि ओइल्याएर झर्ने चिन्ताले अझ बढी चेलीहरूलाई सताउन थालेको सल्लेरीकी सुनिता थापाले बताइन् । घर सजाउन तथा अन्य प्रयोजनका लागि तयारी फूल प्रयोग गर्न सकिए पनि माइतीलाई लगाइदिन भने सयपत्री फूल नै चाहिने उनको भनाइ छ । ओइलिएको फूल धागोमा उन्दा समेत नअडिने भएकाले समस्या हुने उनले बताइन् ।
क्याटेगोरी : नेपाल, प्रदेश समाचार, कोशी प्रदेश
ट्याग : #Page 12
ताजा अपडेट
- चितवनमा ६४ जनामा डेङ्गु सङ्क्रमण
- चारवटा प्रदेशमा भारी वर्षा हुने
- पर्यटन नीति र कानुन समयानुकूल बनाइने छ: मन्त्री पाण्डे
- सौर्य एयरलाइन्सका चालक शाक्यको स्वास्थ्यमा सुधार
- वनमन्त्री शाहीसँग भारतीय राजदूतको शिष्टचार भेट
- सर्पदंशका बिरामीको निःशुल्क उपचार गरिने
- मधेश प्रदेश लोकसेवा आयोगको अध्यक्षमा डा. यादव
- प्रदेशभित्रका सबै जिल्लामा एम्बुलेन्स सेवा विस्तार गर्ने
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- राजेन्द्र विमल र हरिहर शर्मालाई पुरस्कृत गरिने
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया